Connect with us

India

முதல்வரிடம் கோரிக்கை வைத்த பத்திரிக்கை தொடர்பாளர்கள் யூனியன் நிர்வாகிகள்!

Published

on

தென்னிந்திய திரைப்பட பத்திரிகை தொடர்பாளர்களின்  யூனியன் நிர்வாகிகள் இன்று 11.10.2021  தகவல் ஒலிபரப்புத் துறை அமைச்சர் மு.பெ சுவாமிநாதனை சந்தித்தனர்.

தலைமைச் செயலகத்தில் நடந்த இந்த சந்திப்பில் யூனியன் தலைவர் டைமண்ட் பாபு, செயலாளர் யுவராஜ், இணைச் செயலாளர் கணேஷ்குமார் ஆகியோர் அமைச்சரைச் சந்தித்து யூனியன் நலன் சார்ந்த 5 கோரிக்கைகளுடன் கூடிய மனுவை அளித்தனர். அந்த கோரிக்கைகளை படித்து பரிசீலித்த அமைச்சர் அடுத்த ஒரு மாதத்துக்குள் அவற்றை நிறைவேற்ற தக்க நடவடிக்கை எடுப்பதாக உறுதி அளித்தார்.

முன்னதாக தென்னிந்திய திரைப்பட பத்திரிகை தொடர்பாளர்களின்  யூனியன் தலைவர் டைமண்ட் பாபு, செயலாளர் யுவராஜ், பொருளாளர் இரா.குமரேசன் சந்தித்து மேற்படி கோரிக்கை மனுவைப் பெற்றுக்கொண்ட முதல்வர் மு.க.ஸ்டாலின், அமைச்சர்  மு.பெ சுவாமிநாதனைச் சந்தித்து அந்த மனுவை அளிக்கக் கேட்டுக்கொண்டதன் அடிப்படையிலேயே இச்சந்திப்பு மிகத் துரிதமாக நடைபெற்றது என்பது குறிப்பிடத்தக்கது.

Advertisement
Click to comment

Leave a Reply

Your email address will not be published. Required fields are marked *

India

Former AP CM Konijeti Rosaiah passes away.

Published

on

By

Former Governor of Tamil Nadu and former Chief Minister of  Andhra Pradesh, Konijeti Rosaiah (88)passed away in Hyderabad in the early hours of today (December 4) after a brief illness.

 

Continue Reading

India

குருசரணின் ‘எழுவோம்’ பாடலை அமைச்சர்  மா.சுப்பிரமணியன் வெளியிட்டார்.

Published

on

By

பிரபல பாடகர் சிக்கில் குருசரண் மற்றும் நண்பர்களின் ‘எழுவோம்’ என்ற பாடலை தமிழக சுகாதாரத்துறை அமைச்சர் திரு மா சுப்பிரமணியன் 3 டிசம்பர், 2021 அன்று வெளியிட்டார்.

பெயருக்கு ஏற்றார் போல் ஊக்கமளிக்கும் பாடலாக ‘எழுவோம்’ அமைந்துள்ளது. கொரோனாவைரஸ் நெருக்கடியில் இருந்து மீண்டு வர மக்கள் எவ்வளவு உறுதியுடன் இருக்கிறார்கள் என்பதைப் பற்றிய பாடல் தான் ‘எழுவோம்’.

அரவிந்தன் ஆர் இயக்கியுள்ள இந்தப் பாடலுக்கு சிக்கில் குருசரண் இசையமைத்து பாடியுள்ளார். ஒளிப்பதிவை வினோத் சௌந்தர் மேற்கொள்ள, படத்தொகுப்பை கவின் ஆதித்யா கையாள பாடல் வரிகளை ராம்நாத் பகவத் எழுதியுள்ளார்.

இந்த பாடலின் வரிகள் உணர்வுபூர்வமாகவும், இசையும் குரலும் உற்சாகமூட்டக்கூடியதாகவும், காட்சி அமைப்பு அனைவரையும் கவரும் வகையிலும் உள்ளன.

தென்னிந்தியாவிற்கான மலேசியா தூதர் கே சரவணன், கேட் சென்டர்  நிர்வாக இயக்குநர் காரையடி செல்வன், லீப் ஸ்போர்ட்ஸ் ஆலோசகர் ரமேஷ் மற்றும் வீணை வித்வான் ராஜேஷ் வைத்யா ஆகியோர் முன்னிலையில் இந்த பாடல் வெளியீட்டு விழா நடைபெற்றது.

டோக்கியோ தமிழ் சங்கம், ஸ்ருசன் டெக்னாலஜி, இன்னோவேட்டிவ், நிகில் முருகன் மற்றும் லீப் ஸ்போர்ட்ஸ் ஆகியோரின் ஆதரவோடு இந்தப் பாடல் வெளியிடப்பட்டுள்ளது.

சிக்கில் குருசரண் பாடிய ‘எழுவோம்’ பாடலை தமிழக சுகாதாரத்துறை அமைச்சர் திரு எம் சுப்பிரமணியன் டிசம்பர் 3-ம் தேதி காலை 9 மணிக்கு சென்னையில் உள்ள தி பார்க் விடுதியில் வெளியிட்டார்.

Continue Reading

India

‘மாநாடு பேசும் அரசியல் சுவைமிக்கக் கலைப்படைப்பு’  – சீமான்!

Published

on

By

‘வி ஹவுஸ் புரடக்‌ஷன்’ சார்பில் சுரேஷ் காமாட்சி தயாரித்துள்ள படம்,’மாநாடு’. . இயக்குனர் வெங்கட் பிரபு இயக்கியிருக்கும் இந்தப்படத்தில் சிலம்பரசன், எஸ்.ஜே.சூர்யா, கல்யாணி, எஸ்.ஏ.சி, வாகை சந்திரசேகர், ஒய்.ஜி.மஹேந்திரன், பிரேம்ஜி, கருணாகரன் ஆகியோர் நடித்துள்ளனர்.

இந்தப்படம் வெளியாகி அனைத்து தரப்பினரிடையே வரவேற்பினை பெற்ற நிலையில், நிலையான வசூலையும் வாரிகுவித்து வருகிறது.

‘மாநாடு’ படம் குறித்த தனது கருத்தினை ‘நாம் தமிழர் கட்சி’யின் ஒருங்கிணைப்பாளர் சீமான் விடுத்துள்ள கடிதத்தில் கூறியிருப்பதாவது…

அன்புத்தம்பி சிலம்பரசன் நடிப்பில் வெளியான ‘மாநாடு’ திரைப்படத்தைக் கண்டுகளித்தேன். மாறுபட்ட திரைக்கதையோட்டமும், விறுவிறுப்பு குறையாத காட்சியமைப்புகளும் படத்தோடு நம்மை ஒன்றச்செய்து, மிகவும் ரசிக்கும்படியாகத் திரைப்படத்தை நகர்த்திச் செல்கிறது. மதத்தால் மக்களைப் பிரித்தாளும் சூழ்ச்சி சமகாலத்தில் ஆளும் வர்க்கத்தால் நாளும் அரங்கேற்றப்படும்போது, அதனை வெகுமக்களுக்கு உணர்த்தி விழிப்பூட்டும் சுவைமிக்கக் கலைப்படைப்பாக இத்திரைப்படத்தைத் தந்திருக்கிறார் தம்பி வெங்கட்பிரபு.

இசுலாமிய மக்கள் குறித்துப் பரப்பப்படும் கற்பிதங்களைக் கேள்விக்குள்ளாக்கி, கோவை கலவரத்தில் அவர்களுக்கு இழைக்கப்பட்ட அநீதியைப் போகிறபோக்கில் பேசி, அவர்கள் குறித்துப் பொதுப்புத்தியில் கட்டமைக்கப்பட்டிருக்கும் தவறானப் பிம்பத்தை தகர்த்தெரியும் விதத்திலான வசனங்களையும், காட்சிகளையும் படத்தின் கருப்பொருளாக அமையச் செய்திருப்பது இத்திரைப்படத்தின் சிறப்பம்சமாகும். சொல்ல வந்த செய்தியை மிகச்சரியாகக் காட்சிப்படுத்தி, அதனைத் திரைமொழியில் மக்களுக்கு விருந்தாக்கும் ஆற்றலைக் கொண்டுள்ள தம்பி வெங்கட்பிரபுவின் கலைத்திறன் இத்திரைப்படத்தின் மூலம் மென்மேலும் மெருகேறியிருக்கிறது.

எனது தம்பி சிலம்பரசன் அவர்கள் தனது துடிப்பான நடிப்பாற்றலாலும், மக்களின் மனம்கவரும் வகையிலான தனித்துவமிக்க திரைமொழி ஆளுகையினாலும், நுட்பமான உடல்மொழியாலும், உயிரோட்டமான வசன உச்சரிப்புகளாலும் மீண்டுமொரு முறை முத்திரைப்  பதித்திருக்கிறார். கலையுலகப் பயணத்தில் அவரது வளர்ச்சி குறித்து பெரும் அக்கறைகொள்கிறேன்! அவரது உயரத்தை எண்ணி மன மகிழ்வடைகிறேன்!

அன்புச் சகோதரன் எஸ்.ஜே.சூர்யா அவர்கள் எதிர்மறை கதாபாத்திரத்தைத் தாங்கியிருந்தாலும் தனக்கே உரித்தான மொழி நடையாலும், எவரையும் சுண்டியிழுக்கும் வகையிலான அளப்பெரும் நடிப்புத்திறனாலும் படத்தினையே தாங்கி நிற்கிறார். அவர் திரையில் தோன்றும் காட்சிகள் யாவற்றையும் பெரிதும் விரும்பி ரசித்தேன்! தம்பி யுவன் சங்கர்ராஜாவின் பலமிக்க பின்னணி இசையும், தம்பி கே.எல்.பிரவீண் நேர்த்தியான படத்தொகுப்பும் படைப்புக்குப் பெரிதும் துணைநிற்கின்றன. இத்திரைப்படத்தில் நடித்த அப்பா எஸ்.ஏ.சந்திரசேகர், ஐயா ஒ.ஜி.மகேந்திரன், தம்பி மனோஜ் பாரதிராஜா, தம்பி சுப்பு அருணாச்சலம், தம்பி பிரேம்ஜி அமரன், தம்பி கருணாகரன், தங்கை கல்யாணி பிரியதர்ஷன் என யாவரும் தங்களது பங்களிப்பினைச் சிறப்பாகச் செய்திருக்கிறார்கள்.

காலத்திற்கேற்ற அரசியலைப் பேசும் சாலச்சிறந்தப் படைப்பாகவும், மாறுபட்ட திரைக்கதை அமைப்புகொண்ட நல்லதொரு திரைப்படமாகவும் வெளிவந்திருக்கும் இதனைத் தயாரித்து, பெரும் சிரமங்களையும், இடையூறுகளையும் எதிர்கொண்டபோதும் சற்றும் தளராது நின்று வென்றுகாட்டி, வெற்றிப்படைப்பாக நிலைநாட்டிய ஆருயிர் இளவல் எனது பாசத்திற்குரிய தம்பி சுரேஷ் காமாட்சி அவர்களை எவ்வளவு பாராட்டினாலும் தகும்! மண்ணுக்கும், மக்களுக்கும் தேவையான இன்னும் பல பல படைப்புகளைத் தந்து, அவர் மென்மேலும் வளர்ந்து உச்சம் தொட வேண்டுமென எனது வாழ்த்துகளையும், அன்பையும் தெரிவிக்கிறேன்!

எனது தம்பிகள் தங்களது அயராத உழைப்பின் மூலம் ஈட்டிய அளப்பெரும் வெற்றியைக் கண்டு உள்ளம்பூரிப்பு அடைகிறேன்!

நானே வெற்றிபெற்றதாக எண்ணிப் பெருமிதம் கொள்கிறேன்! இப்படைப்புக்காக உழைத்திட்ட அத்தனை பேருக்கும் எனது வெற்றி வாழ்த்துகளையும், உளப்பூர்வமான பாராட்டுக்களையும் தெரிவித்துக்கொள்கிறேன்!

என்று ‘நாம் தமிழர் கட்சி’யின் ஒருங்கிணைப்பாளர், சீமான் கூறியிருக்கிறார்.

Continue Reading

Copyright © 2021 Chennai Editor. Designed by Trendsz Up.