Connect with us

Reviews

Maari 2 – Movie Review

Published

on

‘மாரி’ படத்திற்கு பிறகு தனுஷ், பாலாஜி மோகன் மீண்டும் இணைந்துள்ள படம் ‘மாரி 2’. தனுஷின் ‘வுண்டர்பார்’ நிறுவனம் தயாரித்துள்ளது. வட சென்னயிலுள்ள 2 தாதாக்களிடையே நடக்கும் கேங்க் வார் தான் இந்தப் படத்தோட கதை.

தாதா தனுஷ் ஹார்பரில் இறங்கும் சரக்குகளை சட்டவிரோதமாக பல இடங்களுக்கு சப்ளை செய்யும் ஏஜன்ட். இவருக்கு ரைட், லெஃப்ட்டாக ரோபோ ஷங்கர் மற்றும் வினோத். இந்த மூவரும் ஒன்றாகவே சுற்றி வருபவர்கள். இந்நிலையில் ஆட்டோ ஓட்டிவரும் சாய் பல்லவி, தனுஷை தாறுமாறாக லவ் பண்ணுகிறார்.

தனுஷூக்கு ஒரே ஃப்ரென்ட், பெஸ்ட் ஃப்ரென்ட் ‘கழுகு’ கிருஷ்ணா. திடீரென தனுஷூக்கும், ‘கழுகு’ கிருஷ்ணாவுக்கும் இடையே சண்டை ஏற்படுகிறது. ‘கழுகு’ கிருஷ்ணாவுடன் டொவினோ தாமஸும் சேர்ந்துகொண்டு தனுஷை கொல்லத் துடிக்கிறார். இவர்களுக்குள் என்ன நடந்தது என்பது தான் மாரி 2 படத்தின் க்ளைமாக்ஸ்.

பல படங்களில் பார்த்து சலித்துப்போன கதை தான் என்றாலும் ஒரு சில காட்சிகள் ரசிக்கும் படியாகவே இருக்கிறது. குறிப்பாக சாய் பல்லவி வரும் இடங்களெல்லாமே ரசிக்க முடிகிறது. சாய் பல்லவியின் குறும்பான நடிப்பை ரசிக்காதவர்கள் இருக்க முடியாது. இந்த பொண்ணுக்குள்ள இப்படி ஒரு அசாத்திய திறமையா என எண்ண தோனுகிறது. அதிலும் பிரபு தேவா நடனம் அமைத்த ‘ரௌடி பேபி’ பாட்டுக்கு தனுஷை மிஞ்சி விட்டாரோ என்ற அளவிற்கு ஆடியுள்ளார். இந்த பாடல் ஒன்ஸ் மோர் ரகம். நீண்ட நாட்கள் கழித்து பிரபுதேவாவின் சிறப்பான நடன அமைப்பு.

தனுஷ் தன்னுடைய வழக்கமான ஸ்டைலில் பஞ்ச் போட்டு வசனம் பேசி ரசிகர்களை திருப்தி படுத்துகிறார். தனுஷூம் சாய் பல்லவியும் நடிக்கும் காட்சிகளில் தனுஷ் காணாமல் போகிறார் என்பது ஒத்து கொள்ள வேண்டிய உண்மை.

‘கழுகு’ கிருஷ்ணா நன்றாக நடித்திருக்கிறார் இவருக்கு இப்படி நடிக்க தெரியும் என்பது இந்த படத்தின் மூலம் உறுதியாக நம்பமுடிகிறது. வரலஷ்மி சரத்குமார் வழக்கமாக எல்லா படங்களிலும் வந்து போவதைப் போல் வந்து போகிறார்.

ரோபோ ஷங்கரின் வழக்கமான மொக்கைகளின்றி, காமெடி காட்சிகள் பரவாயில்லை. ரோபோ ஷங்கர் – வினோத் கூட்டணியின் காமெடிகளை ரசிக்க முடிகிறது. டொவினோ தாமஸ் பெரிய அளவில் கவரவில்லை. மற்ற படி படத்தில் ஒன்றுமில்லை.

மொத்தத்தில் ‘மாரி’ யை விட ‘மாரி 2’ க்ளாப்ஸ்களை அள்ளுகிறார். ஃப்ரென்ட்ஸ்களோட டைம் பாஸுக்கு போகலாம். பரவாயில்லை

Advertisement

Cinema News

‘சபாபதி’ : விமர்சனம்.

Published

on

By

‘சபாபதி’ படத்தில் ‘திக்குவாய்’ அப்பாவி இளைஞர் கதாபாத்திரத்தில் சந்தானம் நடித்திருக்கிறார். அவருக்கு ஜோடியாக பிரீத்தி வர்மா நடித்திருக்க, இவர்களுடன் எம்.எஸ்.பாஸ்கர், ஷாயாஜி ஷிண்டே, வம்சி, மயில்சாமி, லொல்லு சபா சாமிநாதன், மாறன், ‘குக்கூ வித் கோமாளி’ புகழ்,  உள்ளிட்ட பலர் நடித்துள்ளனர்.

RK Entertainment சார்பில் ரமேஷ்குமார் தயாரித்துள்ள இந்தப்படத்தினை ஶ்ரீனிவாசராவ் இயக்கியிருக்கிறார்.

சந்தானம் நடித்து இதுவரை வெளிவந்த டகால்ட்டி, பிஸ்கோத், பாரிஸ் ஜெயராஜ், டிக்கிலோனா ஆகிய படங்கள் ரசிகர்களை பெரிதாக கவராத நிலையில் தற்போது வெளியாகியுள்ள ‘சபாபதி’ ரசிகர்களை கவர்ந்துள்ளதா, இல்லையா?

சிறுவயது முதலே ‘திக்குவாய்’ பிரச்சனை காரணமாக பலராலும் அவமானப் படுத்தப்படுகிறார் சந்தானம். அவருக்கு பெரிய ஆறுதலாக இருப்பவர் ப்ரீத்தி வர்மா. நெருங்கிய நண்பர்களான இருவரும் எதிரெதிர் வீடுகளில் வசிக்கின்றனர். சந்தானம் அவரையே கல்யாணம் செய்து கொள்ள நினைக்கிறார். ஆனால் வேலை கிடைத்தால் தான் கல்யாணம் நடக்கும் என்ற சூழ்நிலை. இதன் பிறகு என்ன நடந்தது? என்பது தான் ‘சபாபதி’ படத்தின் கதை.

‘சபாபதி’ கதாபாத்திரத்திற்கேற்ற அருமையான பாடி லாங்குவேஜ். சந்தானம், மிகச்சிறப்பாக நடித்திருக்கிறார். வெகுளித்தனமாக அவர் செய்யும் செயல்கள் பரிதாபம் ஏற்படுத்துகிறது. இது ஒன்று மட்டுமே படத்தில் சிறப்பு. மற்றபடி எல்லாமே சுத்த பேத்தல்!

சந்தானத்தின் அப்பாவாக ‘கணபதி வாத்தியார்’ என்ற கதாபத்திரத்தில் எம்.எஸ்.பாஸ்கர் நடித்திருக்கிறார். இயக்குனருக்கு ‘கணபதி வாத்தியார்’ மேல் என்ன கோபமோ? சந்தானத்தின் உதவியோடு அவர் தலையில் வாந்தி எடுக்கவைத்தும், வாயில் மூத்திரம் அடிக்க வைத்தும் கேவலபடுத்தியிருக்கிறார்!!

ஷாயாஜி ஷிண்டே, வம்சி, மயில்சாமி, லொல்லு சபா சாமிநாதன், மாறன், ‘குக்கூ வித் கோமாளி’ புகழ்,  ரமா என படத்தில் நடித்தவர்கள் அனைவரும்  இயக்குனர் என்ன சொன்னாரோ அதை செய்திருப்பதாகவே தெரிகிறது.

ஒளிப்பதிவாளர் பாஸ்கர் ஆறுமுகம், இசையமைப்பாளர் சாம் சி.எஸ் கூட்டணியில் ‘மயக்காதே மாயக் கண்ணா’ பாடல் அருமை. பார்க்கவும், கேட்கவும் சுகமாக இருக்கிறது.

வாந்தி எடுப்பது, வாயில் மூத்திரம் அடிப்பது, காதலியின் அம்மாவை டிக்கியில் எட்டி உதைப்பது இவையெல்லாம் தான் காமெடி என நினைத்து படமாக்கியிருக்கிறார், இயக்குநர் சீனிவாச ராவ்.

மொத்தத்தில், ‘சபாபதி’ சந்தானத்தின் நடிப்பில் வேளியாகியுள்ள இன்னொரு தோல்விப் படம்.

Continue Reading

Cinema News

‘பொன் மாணிக்கவேல்’ : விமர்சனம்.

Published

on

By

‘பொன் மாணிக்கவேல்’ என்ற தலைப்பும், பிரபுதேவா போலீஸாக முதன்முறையாக நடிப்பதாலும், இந்தப்படம் ரசிகர்களிடம் எதிர்பார்ப்பினை ஏற்படுத்தியிருந்தது. அந்த எதிர் பார்ப்பினை பூர்த்தி செய்துள்ளதா?

நேர்மையான போலீஸ் அதிகாரி பிரபுதேவா. ஜெயில் தண்டனை பெற்றதால், பணியை ராஜினாமா செய்துவிட்டு விவசாயம் செய்து கொண்டிருக்கிறார். இந்நிலையில் சென்னையில் நீதிபதி ஒருவர் கொடூரமாக கொலை செய்யப் படுகிறார். காவல்துறைக்கு சவாலாக இருக்கும் அந்த கொலை வழக்கிற்காக பிரபுதேவாவின் உதவியை நாடுகின்றனர்.

மீண்டும் பிரபுதேவா, போலீஸ் அதிகாரியாக பதவி ஏற்கிறார். நீதிபதியின் கொடூர கொலைக்கான காரணம் என்ன? கொலையாளிகளை கண்டு பிடித்தாரா, இல்லையா? என்பது தான் ‘பொன் மாணிக்கவேல்’ படத்தின் கதை.

பெண்களுக்கு எதிரான பாலியல் துன்புறுத்தல்களுக்கு பாரபட்சமின்றி தண்டனை கொடுக்கப்பட வேண்டும் என்பதை வலியுறுத்தியுள்ளார், இயக்குநர் ஏ.சி.முகில் செல்லப்பன். அதற்காக அவரை பாராட்டலாம்.

சாயம் போன ‘காக்கி’ சட்டையை பிரபு தேவாவுக்கு போட்டுவிட்டுள்ளனர். காவல் துறையில் சுவாரஸ்யமான எண்ணற்ற கதைகள் கொட்டிக் கிடந்தாலும், பல இயக்குனர்கள் சுவாரஸ்யமற்ற கதைகளையே தேர்ந்தெடுக்கின்றனர். அதையே ஏ.சி.முகில் செல்லப்பன் தேர்ந்தெடுத்துள்ளார்.

கதை பழையது என்றாலும் திரைக்கதையில் சுவாரஸ்யம் கூட்டியிருந்தால் ஓரளவுக்காகவாவது நன்றாக இருந்திருக்கும். ஏதோ வந்தோம், போனோம் என்ற நிலையில் இருக்கிறது பிரபு தேவாவின் நடிப்பு. இயக்குனர், பிரபு தேவாவை சரியாக பயன் படுத்தவில்லையோ! என்ற எண்ணமும் ஏற்படுகிறது.

கதாநாயகி நிவேதா பெத்துராஜ் பிரபு தேவாவின் மனிவியாக நடித்துள்ளார் அவ்வளவே!

வில்லன்களாக சுரேஷ் மேனன், சுதன்சு பாண்டே நடித்துள்ளனர். இவர்களுடன் இயக்குநர் மகேந்திரன், பாகுபலி பிரபாகர், தான்யா ஆகியோரும் நடித்துள்ளனர்.

ஒளிப்பதிவு கே.ஜி.வெங்கடேஷ், இசை டி.இமான் மற்றபடி குறிப்பிட்டு சொல்ல ஒன்றும் இல்லை

‘பொன் மாணிக்கவேல்’ என்ற பெயரில் இருக்கும் கம்பீரம், படத்தில் இல்லை.

Continue Reading

Cinema News

‘கடைசிலே பிரியாணி’ : விமர்சனம்.

Published

on

By

கேரளத்தின் அடர்ந்த வனப்பகுதியில் உள்ள ரப்பர் தோட்டத்தில் நடக்கும் ஒரு கொலையின் பின்னணியே படத்தின் கதை. பல படங்களில் நாம் பார்த்த சாதாரண பழிவாங்கும் கதை தான். ஆனால் வித்தியாசமான முறையில் சொல்லியிருக்கிறார், இயக்குநர் நிஷாந்த் களிதிண்டி.

மூன்று சகோதரர்கள், அவர்களது அப்பாவின் கொலைக்கு பழிதீர்க்க ஒன்று சேருகின்றனர். ஆனால் அதில் ஒருவருக்கு விருப்பமில்லை. இருந்தாலும் மற்ற இருவரால் அவர் வலுக்கட்டாயமாக இழுத்து செல்லப்படுகிறார்.

கொலை செய்துவிட்டு திரும்பும் வழியில் நடக்கும் ஒரு சம்பவம் அவர்களுக்கு திகில் ஏற்படுத்துவதுடன், படம் பார்ப்பவர்களுக்கும் திகிலூட்டுகிறது. இது அவர்கள் செய்த பாவமா? விதியா? எப்படி வேண்டுமானாலும் சொல்லலாம்.

படத்தில் நடித்த அனைவருமே சிறப்பாக நடித்திருக்கின்றனர். அதிலும் மூன்று சகோதரர்களாக நடித்திருக்கும் வசந்த் செல்வம், தினேஷ் மணி, விஜய் ராம் ஒவ்வொருவரும் தங்களுக்கு கொடுத்த வேலையை சிறப்பாக செய்துள்ளனர். இதில் தினேஷ் மணிக்கு நடிக்க ஒரு சில காட்சிகள் மட்டுமே. ஆனால் மற்ற இருவருக்கும் பல காட்சிகள் கிடைத்திருக்கிறது.

மூத்த சகோதரராக வரும் தினேஷ் மணி முரட்டு விழிகளில் மிரட்டுகிறார்.

கடைக்குட்டியாக வரும் விஜய் ராம், அப்பாவி சிறுவனாக நடித்து மனதை கொள்ளை கொள்கிறார். அதிலும் ‘சைக்கோ’ வில்லன் ஒரு புறமும், போலீஸ் ஒரு புறமும் துரத்த மூச்சு வாங்கிய நிலையில், வயதான மூதாட்டி ஒருவரிடம் ‘லெமன் சோடா’ கேட்கும் காட்சியில் குபீர் சிரிப்பினை வரவழைக்கிறார். மொத்த தியேட்டரும் சிரிக்கிறது.

‘சைக்கோ கில்லராக’ நடித்திருக்கும் ஹக்கிம் ஷாஜாகான், செம்ம டெர்ரர்! பார்ப்பதற்கு பழமாக இருந்தாலும் நடிப்பினில் பயமுறுத்துகிறார்.

ஹெஸ்டின் ஜோஸ் ஜோசப் மற்றும் அஷீம் மொஹமத் ஆகியோரின் ஒளிப்பதிவு நேர்த்தி.

வினோத் தணிகாசலம், ஜுடா பவுல், நீல் செபஸ்டியன் ஆகியோரது கூட்டணியில் இசை காட்சிகளுக்கு பலம் சேர்த்துள்ளது.

ஓரே லொக்கேஷன், ஓரிரு நடிகர்களை வைத்துக்கொண்டு குறிப்பிட்டு, பாராட்டும் படியான படத்தினை கொடுத்துள்ளார் இயக்குனர் நிஷாந்த் களிதிண்டி.

சில காட்சிகளும், வசனங்களும் அருவறுப்பாக இருக்கிறது.

ஹாலிவுட் ‘சைக்கோ’ படங்களை பார்ப்பவர்களுக்கு ‘கடைசீல பிரியாணி’ பிடிக்கலாம்!

Continue Reading
Advertisement

Copyright © 2021 Chennai Editor. Designed by Trendsz Up.