Connect with us

Reviews

திருமணம் – விமர்சனம்

Published

on

நீண்ட இடைவெளிக்குப் பின்னர் கதாசிரியர் இயக்குநர் சேரன் மங்கலகரமான திருமணத்துக்கு வந்திருக்கிறார் ,சில திருத்தங்களுடன்.!

கொலை ,கொள்ளை, ஆபாசம் அடிதடி தவிர்த்து வந்திருப்பது ஆறுதல். பேஸ்புக் வழி காதலால் மனம் கலந்தவர்களால் திருமணத்தில் கூட முடியாமல் போவதேன்?

காரண காரியங்களை தனக்கே உரிய குரலில் சொல்லி இருக்கிறார். சேரன் வருமானவரித்துறை அதிகாரி.இவரின் தங்கை காவ்யாவுக்கு தனியார் துறையில் பணி. அம்மா வடிவாம்பாள் ,மாமா தம்பி ராமையா. அளவான குடும்பம். பக்கா செட்டிநாட்டு தோற்றம்.வடிவாம்பாளின் பவள மாலை தெக்கித்தி சீமையின் கைம்மை அடையாளம். உமாபதிக்கு தனியார் எப்.எம்.மில் வேலை.சித்தப்பா எம்.எஸ்.பாஸ்கர்.அக்கா சுகன்யா..கைக்கு அடக்கமான குடும்பம் என்றாலும் ஜமீன் பரம்பரை.

உமாபதி,காவ்யா கல்யாணத்துக்கு சாதியோ,அந்தஸ்தோ தடையில்லை என்றாலும் கல்யாணம் என்றால் இப்படித்தான் நடக்க வேண்டும் என்கிற மாயை, ஆடம்பரம் தேடுகிற சுகன்யாவினால் பிரிய நேரிடுகிறது.

பிரிந்தவர்களை எப்படி சேரன் சேர்த்து வைக்கிறார் என்பது சற்றே நீளமுடன்.!
இந்த கேரக்டருக்கு இவர்தான் பொருந்துவார் என நடிகர்களை தேர்வு செய்வதில்அடங்கி இருக்கிறது வெற்றியின் ரகசியம். படத்தின் நாயகன் உமாபதி,நாயகி காவ்யாவாக இருந்தாலும் நம் நெஞ்சைக் கலங்கடிப்பது எம்.எஸ்.பாஸ்கர்,தம்பி ராமையா இருவரும்தான்.!

பிற்பாதியில் அவரவர் சுயசரிதையை சொல்கிறபோது நம்மையறியாமலேயே தேம்புகிறோம்.
வெட்டிச்செலவு,டாம்பீகத்தின் உச்சம்,என சேரன் பட்டியலிடுகிற எல்லாமே கோடீஸ்வரர்களுக்குரிய குணநலன்கள். அவைகளை மாத ஊதியத்தில் குடும்பத்தைக் கடத்துகிறவர்கள் ‘கடன் வாங்கி’ கல்யாணத்தை நடத்துகிற போதுதான் அவர்களின் கழுத்துக்கு கயிறாகிறது. வருமானவரித் துறை உயரதிகாரி ஜெயபிரகாஷ் வழியாக சொல்லி இருக்கிறார் சேரன்.

முதல்பாதியை விட இடைவேளைக்குப் பிறகுதான் இயற்கை விவசாயத்தின் மேன்மை வலியுறுத்தப்படுகிறது. கதையை விட்டு விலகியதைப் போல உணர்வு.!
பரதத்தின் அழகு,அதற்கிணையான கோட்டில் இன்றைய நடனம் என வகை பிரித்து காவ்யா,உமாபதியை படம் பிடித்திருக்கும் ஒளிப்பதிவாளர் ராஜேஷ் யாதவ்வை எவ்வளவு பாராட்டினாலும் தகும்.!ஆனால் காவியாவை பரதத்தில் காட்டி விட்டோம் அதற்கு ஈடாக உமாபதியையும் காட்டியாக வேண்டும் என்கிற அவசியம் ஏன் வந்தது இயக்குனருக்கு?
சுகன்யாவுக்கு பொருந்துகிற கேரக்டர் என சொல்லுகிற அளவுக்கு பொருமக் கூடிய வேடம்.
குடும்பத்துடன் பார்க்க ஒரு படம்.

Advertisement

Cinema News

‘சபாபதி’ : விமர்சனம்.

Published

on

By

‘சபாபதி’ படத்தில் ‘திக்குவாய்’ அப்பாவி இளைஞர் கதாபாத்திரத்தில் சந்தானம் நடித்திருக்கிறார். அவருக்கு ஜோடியாக பிரீத்தி வர்மா நடித்திருக்க, இவர்களுடன் எம்.எஸ்.பாஸ்கர், ஷாயாஜி ஷிண்டே, வம்சி, மயில்சாமி, லொல்லு சபா சாமிநாதன், மாறன், ‘குக்கூ வித் கோமாளி’ புகழ்,  உள்ளிட்ட பலர் நடித்துள்ளனர்.

RK Entertainment சார்பில் ரமேஷ்குமார் தயாரித்துள்ள இந்தப்படத்தினை ஶ்ரீனிவாசராவ் இயக்கியிருக்கிறார்.

சந்தானம் நடித்து இதுவரை வெளிவந்த டகால்ட்டி, பிஸ்கோத், பாரிஸ் ஜெயராஜ், டிக்கிலோனா ஆகிய படங்கள் ரசிகர்களை பெரிதாக கவராத நிலையில் தற்போது வெளியாகியுள்ள ‘சபாபதி’ ரசிகர்களை கவர்ந்துள்ளதா, இல்லையா?

சிறுவயது முதலே ‘திக்குவாய்’ பிரச்சனை காரணமாக பலராலும் அவமானப் படுத்தப்படுகிறார் சந்தானம். அவருக்கு பெரிய ஆறுதலாக இருப்பவர் ப்ரீத்தி வர்மா. நெருங்கிய நண்பர்களான இருவரும் எதிரெதிர் வீடுகளில் வசிக்கின்றனர். சந்தானம் அவரையே கல்யாணம் செய்து கொள்ள நினைக்கிறார். ஆனால் வேலை கிடைத்தால் தான் கல்யாணம் நடக்கும் என்ற சூழ்நிலை. இதன் பிறகு என்ன நடந்தது? என்பது தான் ‘சபாபதி’ படத்தின் கதை.

‘சபாபதி’ கதாபாத்திரத்திற்கேற்ற அருமையான பாடி லாங்குவேஜ். சந்தானம், மிகச்சிறப்பாக நடித்திருக்கிறார். வெகுளித்தனமாக அவர் செய்யும் செயல்கள் பரிதாபம் ஏற்படுத்துகிறது. இது ஒன்று மட்டுமே படத்தில் சிறப்பு. மற்றபடி எல்லாமே சுத்த பேத்தல்!

சந்தானத்தின் அப்பாவாக ‘கணபதி வாத்தியார்’ என்ற கதாபத்திரத்தில் எம்.எஸ்.பாஸ்கர் நடித்திருக்கிறார். இயக்குனருக்கு ‘கணபதி வாத்தியார்’ மேல் என்ன கோபமோ? சந்தானத்தின் உதவியோடு அவர் தலையில் வாந்தி எடுக்கவைத்தும், வாயில் மூத்திரம் அடிக்க வைத்தும் கேவலபடுத்தியிருக்கிறார்!!

ஷாயாஜி ஷிண்டே, வம்சி, மயில்சாமி, லொல்லு சபா சாமிநாதன், மாறன், ‘குக்கூ வித் கோமாளி’ புகழ்,  ரமா என படத்தில் நடித்தவர்கள் அனைவரும்  இயக்குனர் என்ன சொன்னாரோ அதை செய்திருப்பதாகவே தெரிகிறது.

ஒளிப்பதிவாளர் பாஸ்கர் ஆறுமுகம், இசையமைப்பாளர் சாம் சி.எஸ் கூட்டணியில் ‘மயக்காதே மாயக் கண்ணா’ பாடல் அருமை. பார்க்கவும், கேட்கவும் சுகமாக இருக்கிறது.

வாந்தி எடுப்பது, வாயில் மூத்திரம் அடிப்பது, காதலியின் அம்மாவை டிக்கியில் எட்டி உதைப்பது இவையெல்லாம் தான் காமெடி என நினைத்து படமாக்கியிருக்கிறார், இயக்குநர் சீனிவாச ராவ்.

மொத்தத்தில், ‘சபாபதி’ சந்தானத்தின் நடிப்பில் வேளியாகியுள்ள இன்னொரு தோல்விப் படம்.

Continue Reading

Cinema News

‘பொன் மாணிக்கவேல்’ : விமர்சனம்.

Published

on

By

‘பொன் மாணிக்கவேல்’ என்ற தலைப்பும், பிரபுதேவா போலீஸாக முதன்முறையாக நடிப்பதாலும், இந்தப்படம் ரசிகர்களிடம் எதிர்பார்ப்பினை ஏற்படுத்தியிருந்தது. அந்த எதிர் பார்ப்பினை பூர்த்தி செய்துள்ளதா?

நேர்மையான போலீஸ் அதிகாரி பிரபுதேவா. ஜெயில் தண்டனை பெற்றதால், பணியை ராஜினாமா செய்துவிட்டு விவசாயம் செய்து கொண்டிருக்கிறார். இந்நிலையில் சென்னையில் நீதிபதி ஒருவர் கொடூரமாக கொலை செய்யப் படுகிறார். காவல்துறைக்கு சவாலாக இருக்கும் அந்த கொலை வழக்கிற்காக பிரபுதேவாவின் உதவியை நாடுகின்றனர்.

மீண்டும் பிரபுதேவா, போலீஸ் அதிகாரியாக பதவி ஏற்கிறார். நீதிபதியின் கொடூர கொலைக்கான காரணம் என்ன? கொலையாளிகளை கண்டு பிடித்தாரா, இல்லையா? என்பது தான் ‘பொன் மாணிக்கவேல்’ படத்தின் கதை.

பெண்களுக்கு எதிரான பாலியல் துன்புறுத்தல்களுக்கு பாரபட்சமின்றி தண்டனை கொடுக்கப்பட வேண்டும் என்பதை வலியுறுத்தியுள்ளார், இயக்குநர் ஏ.சி.முகில் செல்லப்பன். அதற்காக அவரை பாராட்டலாம்.

சாயம் போன ‘காக்கி’ சட்டையை பிரபு தேவாவுக்கு போட்டுவிட்டுள்ளனர். காவல் துறையில் சுவாரஸ்யமான எண்ணற்ற கதைகள் கொட்டிக் கிடந்தாலும், பல இயக்குனர்கள் சுவாரஸ்யமற்ற கதைகளையே தேர்ந்தெடுக்கின்றனர். அதையே ஏ.சி.முகில் செல்லப்பன் தேர்ந்தெடுத்துள்ளார்.

கதை பழையது என்றாலும் திரைக்கதையில் சுவாரஸ்யம் கூட்டியிருந்தால் ஓரளவுக்காகவாவது நன்றாக இருந்திருக்கும். ஏதோ வந்தோம், போனோம் என்ற நிலையில் இருக்கிறது பிரபு தேவாவின் நடிப்பு. இயக்குனர், பிரபு தேவாவை சரியாக பயன் படுத்தவில்லையோ! என்ற எண்ணமும் ஏற்படுகிறது.

கதாநாயகி நிவேதா பெத்துராஜ் பிரபு தேவாவின் மனிவியாக நடித்துள்ளார் அவ்வளவே!

வில்லன்களாக சுரேஷ் மேனன், சுதன்சு பாண்டே நடித்துள்ளனர். இவர்களுடன் இயக்குநர் மகேந்திரன், பாகுபலி பிரபாகர், தான்யா ஆகியோரும் நடித்துள்ளனர்.

ஒளிப்பதிவு கே.ஜி.வெங்கடேஷ், இசை டி.இமான் மற்றபடி குறிப்பிட்டு சொல்ல ஒன்றும் இல்லை

‘பொன் மாணிக்கவேல்’ என்ற பெயரில் இருக்கும் கம்பீரம், படத்தில் இல்லை.

Continue Reading

Cinema News

‘கடைசிலே பிரியாணி’ : விமர்சனம்.

Published

on

By

கேரளத்தின் அடர்ந்த வனப்பகுதியில் உள்ள ரப்பர் தோட்டத்தில் நடக்கும் ஒரு கொலையின் பின்னணியே படத்தின் கதை. பல படங்களில் நாம் பார்த்த சாதாரண பழிவாங்கும் கதை தான். ஆனால் வித்தியாசமான முறையில் சொல்லியிருக்கிறார், இயக்குநர் நிஷாந்த் களிதிண்டி.

மூன்று சகோதரர்கள், அவர்களது அப்பாவின் கொலைக்கு பழிதீர்க்க ஒன்று சேருகின்றனர். ஆனால் அதில் ஒருவருக்கு விருப்பமில்லை. இருந்தாலும் மற்ற இருவரால் அவர் வலுக்கட்டாயமாக இழுத்து செல்லப்படுகிறார்.

கொலை செய்துவிட்டு திரும்பும் வழியில் நடக்கும் ஒரு சம்பவம் அவர்களுக்கு திகில் ஏற்படுத்துவதுடன், படம் பார்ப்பவர்களுக்கும் திகிலூட்டுகிறது. இது அவர்கள் செய்த பாவமா? விதியா? எப்படி வேண்டுமானாலும் சொல்லலாம்.

படத்தில் நடித்த அனைவருமே சிறப்பாக நடித்திருக்கின்றனர். அதிலும் மூன்று சகோதரர்களாக நடித்திருக்கும் வசந்த் செல்வம், தினேஷ் மணி, விஜய் ராம் ஒவ்வொருவரும் தங்களுக்கு கொடுத்த வேலையை சிறப்பாக செய்துள்ளனர். இதில் தினேஷ் மணிக்கு நடிக்க ஒரு சில காட்சிகள் மட்டுமே. ஆனால் மற்ற இருவருக்கும் பல காட்சிகள் கிடைத்திருக்கிறது.

மூத்த சகோதரராக வரும் தினேஷ் மணி முரட்டு விழிகளில் மிரட்டுகிறார்.

கடைக்குட்டியாக வரும் விஜய் ராம், அப்பாவி சிறுவனாக நடித்து மனதை கொள்ளை கொள்கிறார். அதிலும் ‘சைக்கோ’ வில்லன் ஒரு புறமும், போலீஸ் ஒரு புறமும் துரத்த மூச்சு வாங்கிய நிலையில், வயதான மூதாட்டி ஒருவரிடம் ‘லெமன் சோடா’ கேட்கும் காட்சியில் குபீர் சிரிப்பினை வரவழைக்கிறார். மொத்த தியேட்டரும் சிரிக்கிறது.

‘சைக்கோ கில்லராக’ நடித்திருக்கும் ஹக்கிம் ஷாஜாகான், செம்ம டெர்ரர்! பார்ப்பதற்கு பழமாக இருந்தாலும் நடிப்பினில் பயமுறுத்துகிறார்.

ஹெஸ்டின் ஜோஸ் ஜோசப் மற்றும் அஷீம் மொஹமத் ஆகியோரின் ஒளிப்பதிவு நேர்த்தி.

வினோத் தணிகாசலம், ஜுடா பவுல், நீல் செபஸ்டியன் ஆகியோரது கூட்டணியில் இசை காட்சிகளுக்கு பலம் சேர்த்துள்ளது.

ஓரே லொக்கேஷன், ஓரிரு நடிகர்களை வைத்துக்கொண்டு குறிப்பிட்டு, பாராட்டும் படியான படத்தினை கொடுத்துள்ளார் இயக்குனர் நிஷாந்த் களிதிண்டி.

சில காட்சிகளும், வசனங்களும் அருவறுப்பாக இருக்கிறது.

ஹாலிவுட் ‘சைக்கோ’ படங்களை பார்ப்பவர்களுக்கு ‘கடைசீல பிரியாணி’ பிடிக்கலாம்!

Continue Reading
Advertisement

Copyright © 2021 Chennai Editor. Designed by Trendsz Up.