அனுராக் கஷ்யப்  நடிப்பில், இன்ஃப்ளூயன்சர்களின் இருள் பக்கமே, ‘அன்கில்_123’ திரைப்படம்!

அனுராக் கஷ்யப், சங்கீதா இருவரும் முக்கிய கதாபாத்திரங்களில் நடித்து வரும் திரைப்படம், ‘அன்கில்_123’ (Unkill_123). இயக்குநர் சாம் ஆண்டன் இயக்கத்தில் உருவாகி வருகிறது. இத்திரைப்படத்தினை, ‘வேல்ஸ் பிலிம் இன்டர்நேஷனல் லிமிடெட்’ சார்பில்,  டாக்டர்  ஐசரி K கணேஷ் தயாரித்து வருகிறார்.

‘’சமூக ஊடகப் புகழின் பேராசை, எவ்வாறு ஒருவரின் வாழ்க்கையையும், மனதையும் மாற்றுகிறது. என்பதை ஆராயும், புதிய மனோ தத்துவ திகில்  படம் தான் ‘அன்கில்_123’ (Unkill_123). நடிகர் அனுராக் கஷ்யப், நடிகை சங்கீதா முக்கியமான கதாபாத்திரங்களில் நடிக்கின்றனர். ஜெரார்ட் ஃபெலிக்ஸ் இசையமைக்க , ஒளிப்பதிவை கிருஷ்ணன் வசந்த் மேற்கொண்டுள்ளனர்.

‘அன்கில்_123’ (Unkill_123).  திரைப்படத்தின் கதை, புகழைப் பெறும் கனவுடன் தொடங்கும் ஒரு சமூக ஊடக இன்ஃப்ளூயன்சர் உடைய  வாழ்க்கை எவ்வாறு மனநிலை மாற்றத்திற்கும் அழிவிற்கும் வழிவகுக்கிறது என்பதைக் கூறுகிறது. புகழின் அழுத்தம், தனிமை, மற்றும் அடையாள இழப்பு ஆகியவை எவ்வாறு ஒருவரின் உண்மையான உலகத்தைப் பாதிக்கிறது. என்பதை படம் வெளிப்படுத்துகிறது. இன்றைய டிஜிட்டல் உலகில் ஒவ்வொரு பதிவிற்கு பின்னால் மறைந்திருக்கும் உணர்ச்சிப் போராட்டங்களையும் — ஒப்பீடு, பொறாமை, மற்றும் தன்னம்பிக்கை குறைபாடு ஆகியவற்றின் மோதல்களையும் இந்த படம் உண்மையாகச் சித்தரிக்கிறது.

வேல்ஸ் பிலிம் இன்டர்நேஷனல் தயாரிப்பாளர் டாக்டர் ஐசரி K கணேஷ் அவர்கள் கூறியதாவது:

சமூக ஊடகங்கள் மூலம் புகழ்பெற்ற பலரை நாம் பார்த்திருக்கிறோம். ஆனால் அந்த புகழுக்கான உணர்ச்சி விலை பற்றி யாரும் பெரிதாக பேசுவதில்லை — தனிமை, ஒப்பீடு, மற்றும் மன அழுத்தம் ஆகியவை அதன் மறுபக்கம். ‘அன்கில்_123’ இந்த புதிய ‘புகழ் கலாச்சாரம்’ உள்ள பிரகாசத்தையும், அதன் பின்னால் மறைந்திருக்கும் வலியையும் வெளிப்படுத்துகிறது. என்றார்.