பூமிக்கு அடியில் எலும்புக்கூடுகள்… சசிகுமாரின் காக்கி வேட்டை! – ‘வதந்தி சீசன் 2’ ரிவ்யூ!
மதுரையில் கவர்ன்மென்ட் ஃபங்ஷனுக்காகப் பள்ளம் தோண்டும்போது திடீர்னு ரெண்டு பெண்களோட எலும்புக்கூடு கிடைக்குது. மீடியா, பாலிடிக்ஸ்னு சலசலப்பு அதிகமாக, இந்த மர்ம கேஸை சப்-இன்ஸ்பெக்டர் சசிகுமார் கையில் எடுக்குறார். மேலிடத்து பிரஷரையும் தாண்டி, அந்த ரெண்டு பெண்கள் யாரு, கொலைக்கு பின்னாடி இருக்குற சைலண்ட் கில்லர் யாருன்னு அவர் எப்படி கண்டுபிடிக்கிறார் என்பதுதான் 8 எபிசோட் கதை.
சசிகுமார் ஃபர்ஸ்ட் டைம் காக்கி சட்டை போட்டாலும் மனுஷன் அதே ‘சுப்பிரமணியபுரம்’ ஸ்டைல்ல எதார்த்தமா வலம் வர்றார். ஓவர் ஆக்டிங் இல்லாம ரொம்பவே அமைதியான, அடக்கி வாசிச்ச போலீஸ் ரோல்.
எஸ்பி-யா வர்ற அனகா செம மிடுக்கு. ‘முடக்கத்தான் மணி’யா வர்ற புதுமுகம் யஷ்வந்த் அசல் மதுரை பையனா ஜல்லிக்கட்டு சீன்லயும், காதல் சீன்லயும் ஸ்கோர் பண்றார்.
அபர்ணா தாஸ் ‘டாடா’ படத்துக்கு அப்புறம் வர்றாங்க, ஆனா சசிகுமார் மனைவியா ரொம்பவே சாதாரண ரோல். பெருசா ஸ்கோப் இல்லை.
‘யார் கொலையாளி?’னு தேடுற வழக்கமான கிரைம் பாணி இல்லாம, ‘தண்டனை வாங்குனவன் நிரபராதி’னு ப்ரூவ் பண்ண சசிகுமார் ஓடுற புதுமையான ஸ்கிரீன்ப்ளே. ஜல்லிக்கட்டு, ஃபேமிலி எமோஷன் கூடவே உலக அளவில் பேசப்படுற ஒரு சோஷியல் இஸ்யூவையும் இயக்குநர் ஆண்ட்ரூ லூயிஸ் ரொம்ப நேர்த்தியா டச் பண்ணியிருக்கார்.
சைமன் கே. கிங்கோட பிஜிஎம் (BGM) சீரிஸோட செம வெயிட். சஸ்பென்ஸ் சீன்களுக்கு வேற லெவல் த்ரில் தருது. சரவணன் ராமசாமியோட கேமரா, த்ரில்லர் சீரிஸ்னு சொல்லி தேவையில்லாம இருட்டைக் காட்டாம, நேச்சுரல் லைட்டிங்ல மதுரையை அழகா காட்டியிருக்கு. ரிச்சர்ட் கெவினோட எடிட்டிங் எபிசோட் எண்டில் வர்ற ட்விஸ்டுகளை கச்சிதமா கட் பண்ணியிருக்கு.
ஓடிடி த்ரில்லர்னாலே ரத்தம், ஆபாசம், வன்முறைனு இருக்கும். ஆனா அப்படி எதுவுமே இல்லாம, குடும்பத்தோட பார்க்குற மாதிரி ஒரு டீசண்டான த்ரில்லரா குடுத்ததுக்கு இயக்குநருக்கு ஒரு சல்யூட்!
சசிகுமாரோட வழக்கமான ஆக்டிங் ஸ்டைல் அண்ட் அபர்ணா தாஸோட வீணடிக்கப்பட்ட பாத்திரம் கொஞ்சம் மைனஸ்.
வீக்கெண்ட்ல உட்கார்ந்து ‘பிஞ்ச் வாட்ச்’ (Binge-watch) பண்ண அமேசான் பிரைமில் ஒரு தரமான இன்வெஸ்டிகேஷன் த்ரில்லர்!