Connect with us

Cinema News

சென்சார் பிரச்சனை! ஞானவேல்ராஜா – லிப்ரா’ரவீந்திரன் குஷி!

Published

on

‘மூன் பிக்சர்ஸ்’ சார்பில் ஆதம்பாவா தயாரிப்பில் பிரபல யுடியூப் சினிமா விமர்சகர் இளமாறன் (புளூ சட்டை மாறன்) இயக்குனராக அறிமுகமாகவுள்ள படம் ‘ஆன்டி இண்டியன்’.

இவர் திரைவிமர்சனங்களை கேலிசெய்து விமர்சிக்கும் தனித்தொனியின் மூலம் ரசிகர்களிடையே பெரும் செல்வாக்குடன் இருந்து வருபவர். சென்சாரில் நீண்ட போரட்டங்களுக்கு பிறகு மூன்று கரெக்சன்களுடன் அவரது படத்திற்கு யு/ஏ சான்றிதழ் கிடைத்துள்ளது.

இதுகுறித்து நடந்த பத்திரிகையாளர் சந்திப்பின் போது படத்தின் தயாரிப்பாளர் ஆதம் பாவாவும், இயக்குனர் இளமாறனும் கூறியதாவது..

முதலில் பேசிய இயக்குனர் (புளூ சட்டை மாறன்) இளமாறன்..

‘முதலில் சென்னை தணிக்கை குழுவினருக்கு படத்தை திரையிட்டு காட்டினோம். எப்படியும் பாராட்டுவார்கள் என நினைத்திருந்தோம். எந்த காரணமும் சொல்லாமல் படத்திற்கு சான்றிதழ் தர மறுத்துவிட்டனர்.

இதையடுத்து ரிவைசிங் கமிட்டிக்கு சென்றோம். பெங்களூரில் நாகபரணா என்பவர் தலைமையில் படத்தை பார்த்துவிட்டு படத்தில் 38 இடங்களில் கட் பண்ணவேண்டும். என்றும் அதற்கு ஒப்புக்கொண்டால் சான்றிதழ் தருகிறோம். என்றும் சொன்னார்கள். எங்களுக்கு அதில் உடன்பாடு இல்லை.

அதனால் அடுத்த முயற்சியாக ட்ரிபியூனலில் முறையிடுவது என முடிவெடுத்தோம்.. ஆனால் எங்களது துரதிர்ஷ்டமோ என்னமோ, எங்கள் படத்தை திரையிட ஏற்பாடு செய்யப்பட்டிருந்த சமயத்தில் தான் அத்தனை வருடங்களாக இயங்கிவந்த அந்த அமைப்பையே கலைத்து விட்டார்கள்.

இறுதியாக ஜனநாயகத்தின் கடைசி நம்பிக்கையான நீதிமன்றத்தை நாடினோம். எங்களது தரப்பு நியாயங்களை கேட்ட நீதிமன்றம், அதற்கு முன்னதாக தணிக்கை குழு மற்றும் ரிவைசிங் கமிட்டி என இரண்டு தரப்பிலும் எடுக்கப்பட்ட முடிவுகளை ரத்து செய்ய உத்தரவிட்டது.. மேலும் புதிதாக ஒரு கமிட்டி ஒன்றை அமைக்க கூறிய நீதிமன்றம், முறையான கட்டுக்களுடன் கூடிய சான்றிதழை வழங்கவும் உத்தரவிட்டது.

அதை தொடர்ந்து படத்தை பார்த்த புதிய கமிட்டியினர் வெறும் மூன்றே இடங்களில் சிறிய கரெக்சன்களை மட்டுமே செய்யவேண்டும் என கூறி படத்திற்கு யு/ஏ சான்றிதழ் வழங்கினார்கள். இப்போது ரிலீஸூக்கு ரெடியாகியிருக்கிறது.

இது ஒரு புறமிருக்க, ‘ஸ்டுடியோ க்ரீன்’ ஞானவேல்ராஜாவும் ‘லிப்ரா’ புரடக்‌ஷன் ரவீந்திரனும் படம் சென்சார் பிரச்சனையில் இருக்கும் போது அதை கொண்டாடினார்கள். படம் எப்படியும் வெளியே வரக்கூடாது என்பதில் குறியாக இருந்தார்கள். சக தயாரிப்பாளரின் படம் வெளியாக முடியாத நிலையில் இருக்கும்போது எப்படி கொண்டாடுகிறார்கள் இவர்கள் என்ன மனிதர்கள் என தெரியவில்லை. என்றார்.

Advertisement
Click to comment

Leave a Reply

Your email address will not be published. Required fields are marked *

Cinema News

ஹாரர் மற்றும் த்ரில்லர் திரைப்படப் பிரியர்களை மிரட்ட வருகிறது ‘3:33’ .

Published

on

By

Bamboo Trees Productions சார்பில் T. ஜீவிதா கிஷோர் தயாரிப்பில், பிரபல  நடன இயக்குனர் சாண்டி நாயகனாக நடிக்க, இயக்குனர் நம்பிக்கை சந்துரு எழுத்து, இயக்கத்தில் உருவாகியுள்ள படம் ‘3:33’.  முழுக்க முழுக்க இதயத்தை தாக்கும் ஹாரர் அனுபவமாக, உருவாகியுள்ள இப்படம், டிசம்பர் 10 முதல் உலகெங்கும் திரையரங்குகளில் வெளியாகிறது.

தமிழ் சினிமாவில் முதல் முறையாக காலம் கதையின் வில்லனாக இருக்கும் கதையில்,  டைமை மையமாக கொண்ட ஹாரர் படமாக இப்படம் உருவாகியுள்ளது. இதுவரையிலான சினிமா வரலாற்றில் இறந்து போன ஆத்மாக்கள், கொலையுண்ட ஆவிகள் தான் பேயாக வந்து பயமுறுத்தும். இப்படத்தில் நாயகனை 3.33 என்னும் குறிப்பிட்ட டைம் பயமுறுத்துகிறது. அந்த குறிப்பிட்ட நேரம் நாயகனை பாடாய்படுத்தி சிக்கலுக்கு உள்ளாக்குவதும், அந்த நேரத்தில் மாட்டிக்கொள்ளாமல் நாயகன் எப்படி தப்பிக்கிறான் என்பது தான் கதை.

படத்தின் பெரும்பகுதி ஒரு வீட்டில் நடப்பதாக கதை நடப்பதால் ஒரு  வீட்டின்  செட் பிரமாண்டமாக அமைக்கப்பட்டு படமாக்கப்பட்டுள்ளது. இயக்குனர் கௌதம் மேனன் ஆவிகளை மர்ம சக்திகளை ஆராயும் ஒரு ஆய்வாளராக முக்கிய பாத்திரத்தில் நடித்துள்ளார். பாடல், காமெடி இல்லாமல் முழுமையான ஹாரர் அனுபவத்தை தரும் படமாக இப்படம் உருவாகியுள்ளது. என்கிறார், இயக்குனர் நம்பிக்கை சந்துரு.

 

Continue Reading

Cinema News

அதிகாரமில்லாத காவலர்கள், அடியாட்கள் தான்! – இயக்குநர் ஃப்ராங்க்ளின்.

Published

on

By

இயக்குநர் பா.இரஞ்சித்தின் “நீலம் புரொடக்‌ஷன்ஸ்” தயாரிப்பு என்றாலே தமிழ் சினிமாவில் மட்டுமல்லாமல் தமிழ்ச் சமூகத்திலும் தாக்கத்தை ஏற்படுத்துகிற படைப்புகளாகவே இருக்கும். இதை உறுதி படுத்துவது வெளியாகி இருக்கிறது “ரைட்டர்” திரைப்படத்தின் டீசர்.

சமுத்திரக்கனி கதை நாயகனாக நடிந்திருக்கும் இப்படத்தை இயக்கி இருப்பவர் ஃபிராங்க்ளின் ஜேக்கப். இவர் இயக்குநர் பா.இரஞ்சித்திடம் உதவி இயக்குநராக பணியாற்றியவர்.

இனியா, போஸ் வெங்கட், சுப்ரமணியம் சிவா, ஹரி உள்ளிட்ட பலரும் நடித்துள்ள இப்படத்தை “லிட்டில் ரெட் கார் பிலிம்ஸ்” மற்றும் “கோல்டன் ரேஷியோ பிலிம்ஸ்” ஆகிய நிறுவனங்கள் இணைந்து தயாரித்துள்ளனர். இப்படத்திற்கு கோவிந்த் வசந்தா இசையமைத்துள்ளார்.

சமூகத்தின் எல்லா மட்டத்தினரிடமும் கட்டற்ற அதிகார பலத்துடன் விளங்கும் காவல்துறையின் உள்ளே இருக்கிற அதிகார கட்டுமானத்தின் அடுக்குகளையும், அதன் சொல்லப்படாத பக்கங்களையும் விவிரிக்கும் விதமாக உருவாகி இருக்கும் இத்திரைப்படம் வருகிற டிசம்பர் 24-ஆம் தேதி வெளியாகிறது.

Continue Reading

Cinema News

“சதுரங்க வேட்டை 2” திரைப்படம் ஜனவரியில் திரைக்கு வருகிறது.

Published

on

By

அரவிந்த் சாமி மற்றும் த்ரிஷா  நடித்துள்ள படம் ‘சதுரங்க வேட்டை 2 ‘. இந்தப்படத்தினை NV நிர்மல் குமார் இயக்கியிருக்கிறார். இவர் விஜய் ஆண்டனி நடித்த  ‘சலீம்’  படத்தினை இயக்கியவர்.

‘சதுரங்க வேட்டை 2 ‘ படத்தின் வெளியீட்டு உரிமையை ‘ONSKY Technology PVT. LTD’ நிறுவனத்தின் தயாரிப்பாளர் முத்து சம்பந்தம் வாங்கியுள்ளார். வருகின்ற ஜனவரி மாதம் உலகம் முழுதும் திரையரங்குகளில் வெளியாகிறது !

இது குறித்து ‘ONSKY Technology PVT. LTD’ நிறுவனர் திரு.முத்து சம்பந்தம் கூறியதாவது…

“அடிப்படையில், நான் ஒரு தீவிரமான சினிமா ரசிகன், கிட்டத்தட்ட எல்லா திரைப்படங்களையும் தவறவிடாமல் தீவிரமாகப் பார்க்கிறவன். சதுரங்க வேட்டை திரைப்படம் இந்திய திரைத்துறையில் வெளியான மிகச்சிறந்த திரைப்படங்களில் ஒன்று. இதன் இரண்டாம் பாகம் சதுரங்க வேட்டை 2 வெளிவருவதைப் பற்றி கேள்விப்பட்டபோது, ​​மிகமிக மகிழ்ச்சியாக இருந்தது.  குறிப்பாக, அரவிந்த் சாமி மற்றும் த்ரிஷா போன்ற முன்னணி நடிகர்கள் நடிப்பில் காட்சி துணுக்குகளை கண்டபிறகு, என்னுள் மிகப்பெரும் ஆர்வம் குடிகொண்டது.

எதிர்பாராத சூழ்நிலைகளால் படம் பல்வேறு சிக்கல்களில் சிக்கித் தவிப்பதைப் பார்த்து, நான் பெரிதும்  ஏமாற்றமடைந்தேன். நான் திரைப்படத் தயாரிப்பில் இறங்கியபோது, சிறந்த  திரைப்படங்களைத் தயாரிப்பது மட்டும் அல்லாமல், மொழியியல் தடைகள் மற்றும் எல்லைகளை கடந்து வெற்றி பெறும் படங்களை உருவாக்க வேண்டும்  என்று நான் பெரிதும் விரும்பினேன். அப்படியான ஒரு படைப்பு, ரிலீஸாகமல் இருப்பது கண்டு வேதனையுற்றேன்.

இறுதியில் சதுரங்க வேட்டை 2 படத்தை எங்கள் நிறுவனம் மூலம் வெளியிட  முடிந்ததில் மிகுந்த மகிழ்ச்சி அடைகிறேன். மனோபாலா சார், Cinema city கங்காதரன் மற்றும் படம் வெளியாவதைப் பார்க்க  ஆர்வமாக இருந்த பல உன்னத உள்ளங்களுக்கு நன்றி. திரு அரவிந்த் சாமி அவர்களுக்கு அவர் கொடுக்கும் ஒத்துழைப்புக்கு கோடானு கோடி நன்றி. இப்படத்தை வெளியிடும் வாய்ப்பை வழங்கியதற்காக இப்படம் சம்மந்தப்பட்ட அனைத்து நல் உள்ளங்களுக்கும்  எனது மனமார்ந்த நன்றியைத் தெரிவித்துக் கொள்கிறேன்.

ஒரு பிரபலமான பழமொழி உள்ளது – சரியான நேரத்தில் மற்றும் சரியான இடத்தில், சரியான விஷயம் நிகழும். சதுரங்க வேட்டை 2 படத்தில் அது நடப்பதைக் கண்டு, நான் மனமார மகிழ்ச்சியடைகிறேன். இப்படத்தின் சில காட்சிகளைப் பார்த்தபோது, ​​பார்வையாளர்களை மகிழ்விக்கும் மற்றும் விமர்சனப் பாராட்டுகளையும் வெல்லும் அனைத்து கூறுகளும இப்படத்தில் இருப்பதை, என்னால் எளிதாக உணர முடிந்தது. இப்போது, ​​படத்தை வெளியிட முயற்சியில்இறுதி பணிகள் மீண்டும் தொடங்கப்பட்டுள்ளன, மேலும்  ஜனவரி 2022 இல் உலகம் முழுவதும் திரையரங்குகளில் இபடவெளியிட திட்டமிட்டிருக்கிறோம் என்றார்.

Continue Reading

Copyright © 2021 Chennai Editor. Designed by Trendsz Up.