‘கடலோரக் கவிதைகள்’ ரேகா நடிக்கும் மிரியம்மா!

கடலோரக் கவிதைகள், புன்னகை மன்னன் உள்ளிட்ட பல வெற்றி படங்களில் நடித்து, புகழ் பெற்ற கதாநாயகியாக வலம் வந்தவர், நடிகை ரேகா. திருமணத்திற்குப் பிறகு குணச்சித்திர வேடங்களில் நடித்து வந்தவர், இருபது ஆண்டுகளுக்குப் பிறகு மீண்டும் கதையின் நாயகியாக, அழுத்தமான அம்மா கதாபாத்திரத்தில் மிரியம்மா என்ற படத்தில் நடிக்கவிருக்கிறார்.

‘மிரியம்மா’ திரைப்படத்தின் தொடக்க விழா, சென்னையில் சிறப்பாக நடைபெற்றது. பெண்களை மையப்படுத்தி தயாராகி வரும் இந்த திரைப்படத்தை, 72 ஃபிலிம்ஸ் எனும் பட நிறுவனம் சார்பில் மாலதி நாராயண், தயாரித்து இயக்குநராகவும் அறிமுகமாகிறார்.

ரேகா கதையின் நாயகியாக நடிக்கிறார். இவருடன் எழில் துரை, சினேகா குமார், அனிதா சம்பத், விஜே ஆஷிக், மாலதி நாராயண் ஆகியோர் நடிக்கிறார்கள்.

ஜேசன் வில்லியம்ஸ் ஒளிப்பதிவு செய்ய, இந்த திரைப்படத்தில் இடம் பெறும் பாடல்களுக்கு ஏ. ஆர். ரெஹைனா இசையமைக்கிறார். படத்தொகுப்பு பணிகளை கமல் கவனிக்க, கலை இயக்க பணிகளை ‘யாத்திசை’ புகழ் ரஞ்சித் மேற்கொள்கிறார். திருமணத்திற்குப் பிறகு குணச்சித்திர வேடங்களில் நடித்து வந்த நடிகை ரேகா, இருபது ஆண்டுகளுக்குப் பிறகு மீண்டும் கதையின் நாயகியாக.. அழுத்தமான அம்மா கதாபாத்திரத்தில் நடிப்பதால், ‘மிரியம்மா’ படத்தின் அறிவிப்பு வெளியான நிலையிலேயே.. இப்படத்தை பற்றிய எதிர்பார்ப்பு ரசிகர்களிடத்தில் ஏற்பட்டிருக்கிறது, என்பது குறிப்[பிடத்தக்கது.