Connect with us

Cinema News

‘Asuran’ – Movie Review

Published

on

‘Asuran’ – Movie Review

இந்த வருடம் எதிர்பார்க்கப்பட்ட படங்களில் தனுஷ் நடித்து, வெற்றிமாறன் இயக்கத்தில் வெளியாகியுள்ள ‘அசுரன்’, மிகவும் எதிர்பார்க்கப்பட்ட படம். ‘V. Creations’ சார்பில் கலைப்புலி எஸ். தாணு தயாரித்துள்ளார்.

சாகித்திய அகாடெமி விருதைப் பெற்ற பூ. மாணிக்கவாசகம் என்ற பூமணி எழுதிய ‘வெக்கை’ நாவலை, ஒரு சில மாற்றங்களோடு படமாக்கியிருக்கிறார் இயக்குனர் வெற்றிமாறன்.

‘வெக்கை’ நாவலில் கிராமங்களில் புறையோடியிருக்கும் சாதிய பின்புலங்கள், அதை சார்ந்து நடக்கும் கொலை என படிக்கும்போதே பதை பதைக்கும். அதை எப்படி படமாக்கியிருக்கிறார்கள்?

ரெண்டுங்கெட்டான் வயதான பதினைந்து பதினாறு வயதுடைய சிறுவன் கென், ஆடுகளம் நரேனை கொலை செய்கிறான். அதை தொடர்ந்து கொலை செய்யப்பட்ட நரேனின் உறவுகள் பலி தீர்த்துக்கொள்ள அவனையும் அவனது குடும்பத்தினரையும் துரத்துகிறது.

காட்டுக்குள் ஓடி மறையும் அவர்களின் கதி என்ன? என்பது தான் படத்தின் படபடக்கும், திக்.. திக்.. திரைக்கதையும் க்ளைமாக்ஸும்!ஒரு படத்தின் வெற்றிக்கு பெரிய பலமாக இருப்பது நடிகர், நடிகைகளின் தேர்வு. அதை மிகச்சரியாக செய்து வெற்றியை வசமாக்கியிருக்கிறார்கள்.

திருநெல்வேலி வட்டாரத்தில் நடக்கும் கதைக்களமாக கொண்டுள்ள இந்தப்படத்திற்கு, மிகப்பெரிய பலமாக சுகாவின் வசனங்களும், கதாபாத்திரங்கள் அதை உச்சரிக்கும் விதமும் வெகு சிறப்பு.

தனுஷ் படத்திற்கு படம் தன்னுடைய அசாத்தியமான திறமைகளை வெளிபடுத்தும் விதம் ஆச்சர்யபடுத்துகிறது. அவருடைய பாடிலாங்குவேஜ் மூலம் சின்னச்சாமி என்ற கதாபாத்திரத்தின் இருவேறு வயதுடைய தோற்றத்தை அழகாக  செய்துள்ளார். இளம் வயதில் வரும் தனுசை விட வயதான தோற்றத்தில் வரும் தனுஷைத் தான் அனைவருக்கும் பிடிக்கும்!

தனுஷின் மனைவியாக வரும் மஞ்சு வாரியர், மூத்த மகனாக நடித்திருக்கும் டிஜே அருணாசலம், இளைய மகனாக நடித்திருக்கும் கென் கருணாஸ், வழக்கறிஞராக வரும் பிரகாஷ்ராஜ், பசுபதி, போலீஸ் இன்ஸ்பெக்டராக வரும் இயக்குநர் பாலாஜி சக்திவேல், ‘ஆடுகளம்’ நரேன் ஆகிய அனைவரும் மண் சார்ந்த மக்களாகவே வாழ்ந்திருக்கிறார்கள்.

தனுஷுடன் அதிக நேரம் வரும் கென் கருணாஸுக்கும், டிஜே அருணாசலத்திற்கும். மிகப்பெரிய எதிர்காலம் இருக்கிறது.

திரைக்கதைக்கு ஏற்றபடி இசையமைத்துள்ள ஜி.வி.பிரகாஷின் பின்னணி இசை விறுவிறுப்பைக் கூட்டுகிறது.

பீட்டர் ஹெய்னின் (காட்டுக்குள் நடக்கும்) சண்டைக் காட்சிகள் திகிலடைய வைக்கிறது.

ஒளிப்பதிவாளர் வேல்ராஜின் ஒளிப்பதிவு சூப்பரோ சூப்பர். ஒரு அடர்ந்த காட்டுக்குள் தனுஷூடன் நாமும் பயணிப்பதை போன்ற உணர்வு வருகிறது.

கேமிரா, ஆர்ட் டைரக்ஷன், காஸ்ட்யூம், மியூசிக் இவை அனைத்தும் ஒன்று சேர்ந்து
ஒரு முழுமையான பீரியட் படம் பார்த்த அனுபவத்தையும் கொடுக்கிறது.

குறைவான காலத்தில் எடுக்கப்பட்ட ‘அசுரன்’ வெற்றிமாறனின் இன்னொரு பெஸ்ட் படம். தொடங்கியதில் இருந்து படம் முடிவு வரை அவரது திரைக்கதை பரபரப்பாக நகர்கிறது.

பஞ்சமி நிலப்பிரச்சனை குறித்து பிரகாஷ்ராஜ் பேசும் வசனங்கள் இருதரப்பினரையும் சமன் செய்தாலும் ஒரு சில இடங்களில் ஒரு சார்பாக இருக்கிறது. அதை தவிர்த்திருக்கலாம்.

மொத்தத்தில், தனுஷின் அசுரத்தனமான நடிப்பில் ‘அசுரன்’ தனுஷூக்கும் வெற்றிமாறனுக்கும் முக்கியமான படம்.

விருப்பு, வெறுப்பில்லாமல் தேர்ந்தெடுக்கப்பட்டால் பல விருதுகளை அள்ளுவான் ‘அசுரன்’

‘பரியேறும் பெருமாள்’ படம் பார்த்து வெட்கி தலைகுனிந்தவர்கள் அசுரனை பார்த்து தலைகுனிவார்களா? என்றால் இல்லை! என்று தான் சொல்லவேண்டும்.

 

Cinema News

‘பேச்சிலர்’ ஆண், பெண் உறவை பேசும் படமாக இருக்கும். – GV பிரகாஷ் குமார்.

Published

on

By

GV பிரகாஷ் குமார், திவ்யபாரதி முதன்மை பாத்திரங்களில் நடிக்க, இயக்குநர் மிஷ்கின், முனீஷ்காந்த், பகவதி பெருமாள் முக்கிய பாத்திரங்களில் நடித்துள்ள படம், ‘பேச்சிலர்’ . அறிமுக இயக்குநர் சதீஷ் செல்வகுமார் எழுதி; இயக்கியுள்ள இப்படத்தை, Axess Film Factory சார்பில்  G.டில்லி பாபு தயாரித்துள்ளார்.

‘பேச்சிலர்’  டிரெய்லர் வெளியானபோதே, பெரும் எதிர்பார்ப்பை உண்டாக்கியுள்ள இப்படம், வரும் டிசம்பர் 3  ஆம் தேதி வெளியாகுகிறது.

இப்படம் குறித்து இயக்குநர் சதீஷ் செல்வகுமார் கூறியதாவது…

3 வருடத்துக்கு முன்னாடி டில்லிபாபு சாரை ஒரு மதியத்தில் சந்தித்து கதை சொன்னேன். மூன்று மாதங்கள் வெயிட் பண்ணுங்கள் செய்யலாம் என்றார் அப்படித்தான் இப்படம் ஆரம்பித்தது. நாம் நினைத்ததை திரையில் கொண்டுவருவது கஷ்டம், தயாரிப்பாளர் எப்போதும் வேறெதாவது எதிர்பார்ப்பார்கள். இப்படத்திற்கு 100 நாட்கள் டப்பிங் செய்தோம், தயாரிப்பாளர்களுக்கு அது என்ன மாதிரியான உணர்வை தருமென்று தெரியும். ஆனால் எங்கள் மேல் முழுமையாக நம்பிக்கை வைத்து,  இப்படைப்பை உருவாக்கியுள்ளார் அவருக்கு நன்றி. தேனி ஈஸ்வர் சார், படத்தில் பல காட்சிகளை தோளில் கேமராவை வைத்தே தான் படமாக்கி தந்தார். நாங்கள் கேட்டதை விடவும் சிறப்பாக செய்துள்ளார். ஒரு காட்சி ஒகே டேக்கே 40 டேக் போகும், அதை அவ்வளவு பொறுமையாக பார்த்து, கிரியேட்டிவாக எடிட் செய்துள்ளார் ஷான். அவருக்கு ஒரு தனி ஸ்டைல் இருக்கிறது. ஒரு நண்பனாக அவரை நினைத்து பெருமையாக இருக்கிறது. ஜீவி சார்,  ஒரு ஆக்டராக அவர் முகத்தில் ஒரு அமைதி இருக்கிறது, அது இயக்குநருக்கு வரம்,  இந்த மாதிரி படத்தில் அவர் முகத்தில் காட்டும் சின்ன, சின்ன உணர்வும் படத்திற்கு அவ்வளவு பலமாக இருக்கும். படம் இத்தனை இயல்பாக இருக்க அவர் தான் காரணம். எல்லா நடிகர்களும் மிகச்சிறப்பான ஒத்துழைப்பை தந்தார்கள் அனைவருக்கும் நன்றி. திவ்யா 3 மாதங்கள் பயிற்சி எடுத்து நடித்தார். இந்தப்படம் அவர் வாழக்கையில் முக்கியமானதாக இருக்கும். ஒரு அறிமுக நடிகையாக அற்புதமாக நடித்திருக்கிறார். சித்துவை தான் அதிகமாக டார்ச்சர் செய்திருக்கிறேன் அதையெல்லாம் பொறுத்துகொண்டு சிறப்பான பின்னணி இசை தந்திருக்கிறார். அனைவரும் மிக அர்ப்பணிப்புடன் உழைத்து, அழகாக உருவாக்கியுள்ளோம்,  உங்களுக்கு பிடிக்கும் ஆதரவு தாருங்கள் நன்றி, என்றார்.

நடிகர் GV பிரகாஷ் குமார் கூறியதாவது…

இந்தப்படம் ஆண் பெண் உறவை பேசும் படமாக இருக்கும். ஒவ்வொரு ஜெனரேஷனிலும் ஶ்ரீதர் சார், மணிரத்னம் சார், செல்வராகவன் சார் செய்ததை இப்படத்தில் சதீஷ் செய்திருக்கிறார். இது ரெகுலரான படமாக இருக்காது. என் வழக்கமான நடிப்பிலிருந்து விலகி வந்து இப்படத்தில் நடித்திருக்கிறேன். டில்லிபாபு சார் உடன் மேலும் 3 படம் பண்ணிக்கொண்டிருக்கிறேன். மிக நம்பிக்கையுடன் இந்தப்படத்தை உருவாக்கியிருக்கிறார். தமிழின் மிகச்சிறந்த இயக்குநர்களுக்கு ஒரு ஸ்டைல் இருப்பது போல், சதீஷுக்கு என்று தனி ஸ்டைல் இருக்கிறது அவர் தமிழ் சினிமாவில் பெரிய இடத்தை அடைவார். முதல் படத்தில் பெரிய பாத்திரம் கிடைப்பது அரிதானது அது திவ்யபாரதிக்கு கிடைத்திருக்கிறது. ஒவ்வொரு காட்சியும் நடிக்கும் போது, அவ்வளவு அர்ப்பணிப்புடன் நடித்தார். ஈஸ்வர் சார் ஒவ்வொரு படத்திலும் வளர்ந்துகொண்டே போய்க்கொண்டிருக்கிறார்.  ஷான் லோகேஷின் எடிட்டிங்கிற்கு ரசிகன் நான். நான் தப்பிச்சிட்டேன் சித்துகுமார் மாட்டிக்கொண்டார் ஆனால் பராவாயில்லை அருமையான மியூசிக் தந்திருக்கிறார். இந்தப்படத்தில் கோவையின் உண்மையான சிலாங்கை கொண்டு வந்திருக்கிறோம் அனைவருககும் பிடிக்கும். இது எல்லோருக்கும் பிடிக்கும் படமாக இருக்கும் நன்றி.

 

Continue Reading

Cinema News

விக்னேஷ் சிவனின் ‘கனெக்ட்’ படத்தில் நடிக்கும் அனுபம் கெர்!

Published

on

By

பாலிவுட் நடிகர் அனுபம் கெர், நீண்ட இடைவெளிக்குப் பிறகு, நயன்தாரா கதாநாயகியாக நடிக்கும் ‘கனெக்ட்’, என்ற தமிழ்த் திரைப்படத்தில் நடிக்கவிருக்கிறார். இந்தப்படத்தினை விக்னேஷ் சிவனின் ‘ரௌடி பிக்ச்சர்’ஸ் தயாரிக்கிறது. மணிகண்டன் கிருஷ்ணமாச்சாரி ஒளிப்பதிவு செய்ய, பிருத்வி சந்திரசேகர் இசையமைக்கிறார்.

இது குறித்து ‘கனெக்ட்’ படத்தின் இயக்குநர் அஷ்வின் சரவணன் கூறியதாவது…

‘இந்தப் படத்தின் முக்கிய கதாப்பாத்திரத்தை அனுபம் கெர் ஏற்றதில் நாங்கள் மகிழ்ச்சியடைகிறோம். நாங்கள் அவரது திரைப்படங்களை பார்த்து வளர்ந்தோம், அவர் எங்கள் திரைப்படத்தில் இருப்பது உண்மையில் பெருமையாக இருக்கிறது. அவர் படப்பிடிப்பு தளத்தில் மிகவும் நட்புடன், இயல்பாக பழகினார்.  மிகவும் எளிமையுடன் அவரது பாத்திரம் பற்றி விவாதித்து  அதை உருவாக்குவதில் பெரும்பங்கு வகித்தார். நீண்ட இடைவேளைக்கு பிறகு, ஒரு தமிழ் திரைப்படத்தில் இணைந்ததற்கு தனது மகிழ்ச்சியை வெளிப்படுத்திய அவர், தமிழ்த் திரையுலகினரின் தரம் மற்றும் பணியின் மீதான அர்ப்பணிப்பை பாராட்டி மகிழ்ந்தார். இந்த திரைப்படத்திற்கு பிறகு தமிழ்ப் படங்கள் குறித்த அவரது கருத்து மேலும் வலுவடையும் என்று நாங்கள் உறுதியாக நம்புகிறோம் ” என்றார்.

Continue Reading

Cinema News

‘ரணம் ரத்தம் ரௌத்திரம்’ படத்தின்  ‘உயிரே…’  பாடல்  வெளியானது.

Published

on

By

தயாரிப்பாளர்கள் என் வி பிரசாத் மற்றும் தனய்யா ஆகியோர் இணைந்து தயாரித்திருக்கும் பிரம்மாண்டமான திரைப்படம் ‘ஆர் ஆர் ஆர் எனப்படும் ரணம் ரத்தம் ரௌத்திரம்’. இந்தப்படத்தில் நடிகர்கள் ராம் சரண் தேஜா, ஜூனியர் என்டிஆர் ஆகியோர் முதன்மையான கதாபாத்திரத்தில் நடித்திருக்கிறார்கள். இவர்களுடன் பாலிவுட் நடிகர் அஜய் தேவன், பாலிவுட் நடிகை அலியா பட், தமிழ் திரையுலக நடிகர் சமுத்திரகனி உள்ளிட்ட பலர் நடித்திருக்கிறார்கள். கே. கே. செந்தில் குமார் ஒளிப்பதிவு செய்திருக்கும் இந்த படத்திற்கு, மரகதமணி இசை அமைத்திருக்கிறார்.

இந்தப் படத்தில் பாடலாசிரியர் மதன் கார்க்கி எழுதி ‘உயிரே..’ என தொடங்கும் பாடல் நேற்று வெளியிடப்பட்டது.

இதுதொடர்பாக அப்படத்தின் இயக்குநர் எஸ் எஸ் ராஜமவுலி பேசுகையில்,”ஆர் ஆர் ஆர் படத்தில் ஆக்ஷன் காட்சிகள் ஏராளமாக உண்டு. ஒவ்வொரு ஆக்சன் காட்சிக்கும் பின்னணியில் ரசிகர்களை கவர்ந்திழுக்கும் எமோஷனல் இருக்கும். இந்த எமோஷன் தான் படத்தின் உயிர் நாடி. படத்தின் இந்த குவி புள்ளிக்கு இசை அமைப்பாளர் மரகத மணி தன்னுடைய நுட்பமான இசை திறனால் இசை வடிவம் கொடுத்திருக்கிறார். அதற்கு பாடலாசிரியர் மதன் கார்க்கி அற்புதமான வரிகளை எழுதி இருக்கிறார். இது ரசிகர்களை கவரும்” என்றார்.

ஆர் ஆர் ஆர் படத்தின் ஆன்மா என இயக்குனர் ராஜமவுலி கருதி வெளியிட்டிருக்கும் ‘உயிரே…’ பாடலை பார்வையிட்ட பார்வையாளர்கள் இந்த படம், தமிழில் ஏற்கனவே வெளியான ‘சிறைச்சாலை’ படத்தினை எதிரொலிப்பது போல் உள்ளதாக இணையத்தில் பின்னூட்டமிட்டு வருகிறார்கள். இருப்பினும் ‘பாகுபலி’ தந்த படைப்பாளி என்பதால் ராஜமௌலியின் கற்பனை, ரசிகர்களின் விழிகளை விரியச் செய்து வியப்பில் ஆழ்த்தும் என உறுதியாக எதிர்பார்ப்போம்.

Continue Reading

Copyright © 2021 Chennai Editor. Designed by Trendsz Up.