நோக்க நோக்க… திகில் மர்மம் நிறைந்த புதிய திரைப்படம்!
R புரடக்ஸன்ஸ் மற்றும் AVP சினிமாஸ் சார்பில் R.முத்துக்குமார் திரைக்கதை எழுதி இயக்கியுள்ள திரைப்படம், நோக்க நோக்க. இவர் தமிழில் ஏற்கனவே தொடக்கம், வெண்ணிலாவின் அரங்கேற்றம் தெலுங்கில் ஸ்ரீராமுடு, கன்னடத்தில் பிரன்ட்லி பேபி , சாக்கலேட் பாய் ஆகிய படங்களை இயக்கியுள்ளார்.
கதாநாயகனாக அர்ஜீன் சுந்தரம் அறிமுகமாகிறார். கதாநாயகன், கதாநாயகி நேர்மறை (anti) கதாபாத்திரங்களாக தோன்றுகிறார்கள். மேலும் கஞ்சா கறுப்பு, ஜாக்குவார் தங்கம், பாவனா, சிந்தியா, ஜோதிராய், சுரேஷ், அபி, பேபி அமுல்யா, பேபி ஜனன்யா ஆகியோர் முக்கிய கதாபாத்திரங்களில் நடித்துள்ளனர். நோக்க… நோக்க தணிக்கை செய்யப்பட்டு U/A சான்றிதழ் பெற்றுள்ளது. அடுத்த மாதம் திரைக்கு வருகிறது.
தொலைக்காட்சி ஊடகத்தில் பணிபுரியும் நேர்மையான நிருபர் பிரதிமா இந்தியாவில் பணமதிப்பிழப்பு அறிவித்த நேரத்தில் நடந்த சட்டவிரோத பண மாற்றுதலை ஆவணமாக்கி ஒளிபரப்புக்கு செல்லும் வேளையில் சமூக விரோதிகளால் கொலை செய்யப்படுகிறாள். அவளது ஒரே மகளையும் கொன்று விடுகின்றனர். நாயகியின் பெண் குழந்தை எப்படி அந்த கயவர்களை பேயாக உருமாறி பழிவாங்குகிறாள், கடவுள் அவளுக்கு எப்படி உதவுகிறார் என்பதே படத்தின் கதை என்கிறார், இப்படத்தின் இயக்குநர் R.முத்துக்குமார்.