ஹிப் ஹாப் தமிழாவின் உலக சுற்றுப்பயணத்தின் இறுதி இசை நிகழ்ச்சி!

சென்னையில் இசை ரசிகர்களுக்கு மறக்க முடியாத மாபெரும் நிகழ்வாக, முன்னணி நேரலை நிகழ்ச்சி நிறுவனமான Torque Entertainment, ‘Hiphop Tamizha’ ஆதி அவர்களின் “Return of the Dragon Machi” உலக சுற்றுப்பயணத்தின் இறுதி இசை நிகழ்ச்சியை வெற்றிகரமாக நடத்தி வைத்தது. ரசிகர்களும் தொழில்துறை வல்லுநர்களும் இந்த நிகழ்வை “The Concert of the Decade” எனப்பாராட்டி, சென்னையின் லைவ் இசை வரலாற்றில் ஒரு முக்கிய தருணமாகக் குறிப்பிடுகின்றனர்.

15 ஆண்டுகளுக்கும் மேலான அனுபவத்துடன், Torque Entertainment உலகளவில் ஆயிரக்கணக்கான இசை நிகழ்ச்சிகளையும் பெரிய அளவிலான நிகழ்வுகளையும் வெற்றிகரமாக நடத்தி, Live Show எண்டர்டெயின்மென்ட் துறையில் முக்கிய இடத்தைப் பெற்றுள்ளது. உலகத் தரத்திலான அனுபவங்களை ரசிகர்களுக்கு வழங்கும் திறனுக்காக இந்த நிறுவனம் பரவலாக அறியப்படுகிறது. இந்தப் பயணத்தில் ஒரு முக்கிய அம்சமாக, Hiphop Tamizha ஆதி அவர்களுடன் டார்க் எண்டர்டெயின்மென்டின் நீண்டகால கூட்டாண்மை ( Tie Up) குறிப்பிடத்தக்கது. இந்தியா முழுவதும் ஹிப் ஹாப் தமிழாவின் அனைத்து இசைக்கச்சேரிகளையும் டார்க் எண்டர்டெயின்மென்ட் நிறுவனம் நடத்தியுள்ளது. இந்த வலுவான கூட்டணி, ஹிப் ஹாப் தமிழாவின் ஆற்றல்மிக்க மற்றும் ரசிகர்களை கவரும் லைவ் நிகழ்ச்சிகளை உருவாக்க முக்கிய பங்கு வகித்துள்ளது.

சென்னையில் நடைபெற்ற இந்த நிகழ்ச்சி மிகவும் உணர்ச்சி பூர்வமானதாக இருந்தது. “Return of the Dragon Machi” உலக சுற்றுப்பயணத்தின் இறுதி நிகழ்ச்சியாக இது அமைந்ததுடன், அதன் பின்னர் Hiphop Tamizha ஆதி,சில காலம் கச்சேரி சுற்றுப்பயணங்களில் இருந்து ஓய்வு எடுக்கவுள்ளதாகவும் அறிவிக்கப்பட்டுள்ளது. இதனால் இந்த முக்கிய தருணத்தைக் காண ரசிகர்கள் பெருமளவில் திரண்டதால், நிகழ்ச்சி நடைபெறும் இடம் இசை, உற்சாகம் மற்றும் ரசிகர்களின் கொண்டாட்டமாக மாறியது.

இந்த நிகழ்ச்சியில் 25,000-க்கும் மேற்பட்ட ரசிகர்கள் கலந்துகொண்டனர். மேலும், நிகழ்ச்சிக்கான அனைத்து டிக்கெட்டுகளும் ஒரு வாரத்திற்கு முன்பே முழுமையாக விற்றுத் தீர்ந்தது என்பது சென்னையின் இசைக் கச்சேரி வரலாற்றில் அரிதான சாதனையாகும்.

மிகப்பெரிய கூட்டம் இருந்தபோதிலும், போக்குவரத்து ஒழுங்குமுறை, நுழைவு மேலாண்மை, ரசிகர்களின் வசதி மற்றும் நிகழ்ச்சி முழுவதும் சீரான நிர்வாகம் ஆகிய அனைத்தும் Torque Entertainment நிறுவனத்தால் சிறப்பாக ஒருங்கிணைக்கப்பட்டது. இது பெரிய அளவிலான நிகழ்ச்சிகளை நடத்துவதில் அவர்களின் திறமையை மீண்டும் நிரூபித்தது.

அந்த இரவின் முக்கிய அம்சமாக, Rockstar அனிருத் ரவிச்சந்தர் அவர்களின் சிறப்பு நிகழ்ச்சி ரசிகர்களை ஆச்சரியத்தில் ஆழ்த்தியது. மேலும், குஷ்பு சுந்தர் , சுந்தர் C மற்றும் பிரதீப் ரங்கநாதன் ஆகியோர் சிறப்பு விருந்தினர்களாக மேடையில் தோன்றினர். அவர்கள் Hiphop Tamizha ஆதி உடன் இணைந்த தருணங்கள் ரசிகர்களின் உற்சாகத்தை மேலும் உயர்த்தி, அந்த இரவை மறக்க முடியாத இசை கொண்டாட்டமாக மாற்றின.

முழங்கிய ரசிகர் கூட்டம், மின்னும் மேடை நிகழ்ச்சிகள் மற்றும் குறைபாடற்ற ஏற்பாடுகளுடன் “Return of the Dragon Machi” உலக சுற்றுப்பயணத்தின் இறுதி நிகழ்ச்சி, சென்னையின் இசைக் கச்சேரி வரலாற்றில் ஒரு முக்கிய தருணமாக என்றும் நினைவில் நிற்கும்.

இது ஒரு சாதாரண இசைக் கச்சேரி அல்ல — நேரடி இசையின் சக்தி, ரசிகர்களின் தீவிர ஆதரவு மற்றும் சிறந்த நிகழ்ச்சி தயாரிப்பின் சான்றாக அமைந்த ஒரு நிகழ்வு. “The Concert of the Decade” என்ற பெயருக்கு தகுந்த ஒரு வரலாற்று நிகழ்வாக மாறியுள்ளது.