தனுஷ் நடித்த ‘குபேரா’ திரைப்படம் வெளியீட்டுக்குத் தயார்!

ஸ்ரீ வெங்கடேஸ்வரா சினிமாஸ் எல்எல்பி மற்றும் அமிகோஸ் கிரியேஷன்ஸ் பிரைவேட் லிமிடெட் ஆகிய நிறுவனங்களின் சார்பில், சுனில் நாரங் மற்றும் புஸ்கூர் ராம் மோகன் ராவ் ஆகியோரின் மேற்பார்வையில், ‘குபேரா’ அதிகபட்ச பொருட்செலவில் மிகப்பெரிய அளவில் உருவாக்கப்பட்டுள்ளது.  இந்த படம் தமிழ், தெலுங்கு, இந்தி, கன்னடம் மற்றும் மலையாளம் ஆகிய மொழிகளில் வெளியாகும்போது, அது ஒரு உண்மையான பான்-இந்தியா நிகழ்வாக இருக்கும். என்கிறது படக்குழு.

இயக்குநர் சேகர் கம்முலா, ‘குபேரா’ திரைப்படத்தின் மூலம் கதை சொல்லலை மாற்றியமைக்க உள்ளார்.

தனுஷ், நாகார்ஜுனா, ராஷ்மிகா மந்தனா மற்றும் ஜிம் சர்ப் ஆகியோரை உள்ளிட்டமிகப் பெரிய நட்சத்திரப் பட்டாளம், வித்தியாசமான கதாபாத்திரங்களில் நடித்துள்ளதுடன், குபேரா இந்திய சினிமாவில் முத்திரை பதிக்கும் திரைப்படமாக இருக்கும். ஆழமான, குணச்சித்திர கதாபாத்திரங்கள் மூலம் நகரும் கதைகளுக்கு பெயர் பெற்ற சேகர் கம்முலா, இந்த ஆண்டின் மிகவும் எதிர்பார்க்கப்பட்ட படங்களில் ஒன்றாக குபேராவை மாற்றியுள்ளார்.

‘குபேரா’ வரும் ஜூன் 20 ஆம் தேதி திரையரங்குகளில் வெளியாகிறது.