செல்வராகவன் – யோகி பாபு நடிக்கும் திரைப்படம்!

கார்த்திகேயன் மணி தயாரிப்பு மற்றும் இயக்கத்தில் சத்யராஜ், காளி வெங்கட், ஷெல்லி கிஷோர், ரோஷினி ஹரிப்ரியன் நடித்து வெளியாகியுள்ள ‘மெட்ராஸ் மேட்னி’ திரைப்படத்தை தனது மூன்றாவது படைப்பாக ஃபர்ஸ்ட் காப்பி முறையில் வெற்றிகரமாக தயாரித்துள்ளது மொமண்ட் என்டர்டெயின்மெண்ட்ஸ். இதனை அடுத்து செல்வராகவன், யோகி பாபு, ஜெ டி சக்கரவர்த்தி, ஷைன் டோம் சாக்கோ, சுனில் நடிக்கும் படத்தை மொமண்ட் என்டர்டெயின்மெண்ட்ஸ் தயாரித்து வருகிறது

‘மோ’, ‘மாயோன்’ மூலம் திரைப்படங்களை ஃபர்ஸ்ட் காப்பி முறையில் வெற்றிகரமாக தயாரிப்பதில் முத்திரை பதித்த ஜி. ஏ. ஹரிகிருஷ்ணன் தலைமையிலான மொமண்ட் என்டர்டெயின்மெண்ட்ஸ் நிறுவனம், தனது மூன்றாவது படைப்பாக மெட்ராஸ் மோஷன் பிக்சர்ஸ் நிறுவனத்திற்காக ‘மெட்ராஸ் மேட்னி’ படத்தை தயாரித்துள்ளது. கார்த்திகேயன் மணி தயாரிப்பு மற்றும் இயக்கத்தில் உருவாகியுள்ள இப்படத்தில் சத்யராஜ், காளி வெங்கட், ஷெல்லி கிஷோர், ரோஷினி ஹரிப்ரியன் உள்ளிட்டோர் நடித்துள்ளனர்.

உலகமெங்கும் இன்று வெளியாகி இருக்கும் ‘மெட்ராஸ் மேட்னி’ திரைப்படம் அதன் நேர்த்தியான தயாரிப்புக்காக அனைத்து தரப்பு பாராட்டுகளை பெற்று வரும் நிலையில், மொமண்ட் என்டர்டெயின்மெண்ட்ஸ் தனது நான்காவது படைப்பை அறிவித்துள்ளது.

செல்வராகவன், யோகி பாபு, ஜெ டி சக்கரவர்த்தி, ஷைன் டோம் சாக்கோ, சுனில் உள்ளிட்ட திரையுலக பிரபலங்கள் நடிக்கும் இப்படத்தை மொமண்ட் என்டர்டெயின்மெண்ட்ஸ் தயாரித்து வருகிறது. ராதாரவி, சரஸ்வதி மேனன் மற்றும் வினோதினி உள்ளிட்டோரும் முக்கிய வேடங்களில் நடிக்கின்றனர். இறுதிக்கட்ட பணிகள் விறுவிறுப்பாக நடைபெற்று வரும் நிலையில் செப்டம்பர் மாதம் இப்படத்தை வெளியிட திட்டமிடப்பட்டுள்ளது. தரமான திரைப்படங்களை தொடர்ந்து தயாரிக்க மொமண்ட் என்டர்டெயின்மெண்ட்ஸ் உறுதி பூண்டுள்ளது.

இது குறித்து பேசிய ஜி. ஏ. ஹரிகிருஷ்ணன்,

“இது வரை நாங்கள் ஃபர்ஸ்ட் காப்பி முறையில் தயாரித்துள்ள மூன்று படங்களுமே துல்லியமாக திட்டமிடப்பட்டு திறம்பட உருவாக்கப்பட்டவை. இதற்கு முன்னர் பல ஆண்டுகளாக திரைத்துறையில் நாங்கள் பெற்ற அனுபவம் இந்த படைப்புகளின் தயாரிப்பை மேம்படுத்த எங்களுக்கு உறுதுணையாக இருந்தது,” என்றார்.

தொடர்ந்து பேசிய அவர், “எங்கள் நிறுவனம் மூலம் ஒரு படத்தை தயாரிக்கும் போது கதை, இயக்குநர், நடிகர்கள், தொழில்நுட்ப குழுவினர் தேர்வில் தொடங்கி, பூஜை முதல் ரிலீஸ் வரை அனைத்து பணிகளையும் மொமண்ட் என்டர்டெயின்மெண்ட்ஸ் சிறப்பாக கையாளுவதால், தயாரிப்பாளர்களுக்கு எந்தவித இடையூறும் இருக்காது. எங்கள் நம்பகத்தன்மைக்கும் செயல்திறனுக்கும் நாங்கள் இது வரை ஃபர்ஸ்ட் காப்பி முறையில் தயாரித்த படங்களே சான்று,” என்றார்.