வெற்றிமாறன் கதையில், சசிகுமார் – சூரி இணையும் திரைப்படம்!       

வெற்றிமாறன் எழுதிய கதைக்கு, திரைக்கதை எழுதி இயக்குகிறார், துரை செந்தில்குமார். இன்னும் பெயரிடப்ப்டாத இத்திரைப்படத்தில், நடிகர் சூரி கதாநாயகனாக நடிக்க, அவருடன் சசிகுமார், உன்னி முகுந்தன் இருவரும் முக்கியமான கதாபாத்திரத்தில் நடிக்கின்றனர். மேலும், நடிகைகள் ரேவதி சர்மா, ஷிவதா நாயர், சமுத்திரக்கனி, மொட்டை ராஜேந்திரன், மைம் கோபி உள்ளிட்ட பலரும் நடிக்கிறார்கள்.

கும்பகோணத்தில் இன்று இப்படத்தின் படப்பிடிப்பு, பூஜையுடன் ஆரம்பமானது.

ஆர்தர் ஏ. வில்சன் ஒளிப்பதிவு செய்யும் இந்த திரைப்படத்திற்கு யுவன் சங்கர் ராஜா இசையமைக்கிறார்.

ஆக்சன் என்டர்டெய்னராக உருவாகும் இத்திரைப்படத்தை ‘லார்க் ஸ்டுடியோஸ்’ மற்றும் ‘கிராஸ்ரூட் ஃபிலிம் கம்பெனி’ ஆகிய பட நிறுவனங்கள் சார்பில் தயாரிப்பாளர் கே. குமார் தயாரித்து வருகிறார்.

சூரி கதாநாயகனாக நடித்த விடுதலை 1 பாகம் வெற்றி பெற்ற நிலையில், அவர் நடித்த ‘விடுதலை – பாகம் 2’ திரைப்படம் விரைவில் வெளியாகவுள்ளது.