‘புரபோஸ்’ பண்ணத் தெரியாத ஹீரோ! ‘மிஸ்டர் பாரத்’ ரிலீஸ் அப்டேட்!
பிரபல இயக்குனர் லோகேஷ் கனகராஜின் ‘ஜி ஸ்குவாட்’, பேஷன் ஸ்டுடியோஸ் மற்றும் தி ரூட் ஆகிய நிறுவனங்கள் இணைந்து தயாரித்துள்ள புதிய தமிழ் திரைப்படம் ‘மிஸ்டர் பாரத்’ (Mr. Bhaarath). யூடியூப் பிரபலம் நிரஞ்சன் இயக்குனராக அறிமுகமாகும் இத்திரைப்படம், தற்போதைய இளைஞர்களைக் கவரும் ஒரு ஜாலியான ரோமாண்டிக் காமெடித் திரைப்படமாக உருவாகி உள்ளது.
இப்படத்தில் காதல் உணர்வுகளைச் சரியாக வெளிப்படுத்தத் தெரியாத, அதாவது ‘புரபோஸ் பண்ணத் தெரியாத’ ஒரு சாதாரண இளைஞனாகக் கதாநாயகன் நடித்துள்ளார். அப்படிப்பட்ட ஒரு சூழலிலும், தான் விரும்பிய பெண்ணைக் காதல் திருமணம் தான் செய்வேன் என்பதில் அவர் உறுதியாக இருக்கிறார். அவருடைய இந்த காதல் திட்டம் இறுதியில் நிறைவேறியதா இல்லையா என்பது தான் ‘மிஸ்டர் பாரத்’ படத்தின் முக்கியக் கதைக்களமாகும்.
சமீபகாலமாக வெளியாகும் திரைப்படங்களில் வன்முறையும் போதைப்பொருள் காட்சிகளும் அதிகரித்து வரும் நிலையில், ‘மிஸ்டர் பாரத்’ திரைப்படம் ஒரு விதிவிலக்காக உருவாகியுள்ளது. முழுக்க முழுக்க நகைச்சுவையை மட்டுமே மையமாகக் கொண்டு இதன் திரைக்கதை அமைக்கப்பட்டுள்ளது. குறிப்பாக, குடும்பங்கள் அனைத்தும் இணைந்து ரசிக்கும் வகையில் புகை பிடிக்கும் காட்சிகளோ அல்லது மது அருந்தும் காட்சிகளோ இதில் அறவே இடம்பெறவில்லை என்பது குறிப்பிடத்தக்கது.முழுக்க முழுக்க காமெடிக்காட்சிகளால் திரைக்கதை அமைக்கப்பட்டுள்ளது.
இப்படத்திற்கு பிரணவ் முனிராஜ் இசையமைத்துள்ளார். ஏற்கனவே வெளியான துள்ளலான ‘லா லா லா’ பாடலைத் தொடர்ந்து, இப்படத்தின் இரண்டாவது சிங்கிள் பாடலான ‘மல்லிகை மொட்டு’ (Malligai Mottu) சமீபத்தில் வெளியானது. இந்த இதமான மெலடி பாடல் சமூக வலைத்தளங்களில் ரசிகர்களிடம் பெரும் வரவேற்பைப் பெற்று ட்ரெண்டாகி வருகிறது.
கல்லூரிகளில் அதிரடி புரொமோஷன் மற்றும் ரிலீஸ் டிஜிட்டல் கிரியேட்டர் பாரத் மற்றும் சம்யுக்தா விஸ்வநாதன் முன்னணி கதாபாத்திரங்களில் நடித்துள்ள இத்திரைப்படத்தின் அனைத்து படப்பிடிப்பு மற்றும் டப்பிங் பணிகளும் ஏற்கனவே நிறைவடைந்துவிட்டன. திரையரங்கு வெளியீட்டை முன்னிட்டு படக்குழுவினர் சவீதா கல்லூரி (Saveetha College) உள்ளிட்ட முன்னணி கல்லூரிகளுக்குச் சென்று மாணவர்களை நேரடியாகச் சந்தித்து புரொமோஷன் பணிகளைத் தீவிரப்படுத்தியுள்ளனர். தயாரிப்பாளர்கள் இப்படத்தை ஜூலை 24 அன்று திரையரங்குகளில் வெளியிட முழுவீச்சில் திட்டமிட்டுள்ளனர்.