‘ஸ்ட்ரீட் ஃபைட்டர்’: வித்யுத் ஜமால், ஜேசன் மோமோவா நடிக்கும் அதிரடி ஹாலிவுட் ஆக்ஷன் திரைப்படம்!

உலகளாவிய ரசிகர்களின் மிகுந்த எதிர்பார்ப்புக்கிடையில் ‘ஸ்ட்ரீட் ஃபைட்டர்’ திரைப்படத்தின் அதிகாரப்பூர்வ டிரெய்லர் வெளியாகியுள்ளது. பாரமவுண்ட் பிக்சர்ஸ், லெஜண்டரி என்டர்டெயின்மென்ட் மற்றும் கேப்காம் இணைந்து தயாரித்துள்ள இத்திரைப்படத்தை இயக்குனர் கிடாவோ சகுராய் இயக்கியுள்ளார்.

புகழ்பெற்ற ஆர்கேட் விளையாட்டின் விறுவிறுப்பை அப்படியே வெள்ளித்திரைக்குக் கொண்டு வரும் நோக்கில், ஹடூகன் அதிரடிகள் மற்றும் ரவுண்ட்ஹவுஸ் கிக்குகளுடன் இந்த ஆக்ஷன் காட்சிகள் மிக நேர்த்தியாக வடிவமைக்கப்பட்டுள்ளன. குறிப்பாக, இந்திய ரசிகர்களை உற்சாகப்படுத்தும் வகையில், ஆக்ஷன் நாயகன் வித்யுத் ஜமால் புகழ்பெற்ற யோகா குரு ‘தல்சிம்’ கதாபாத்திரத்தில் நடித்துள்ளார்.

1993 ஆம் ஆண்டைப் பின்னணியாகக் கொண்ட இக்கதையில், பிரிந்துபோன போர்வீரர்களான ரியூ (ஆண்ட்ரூ கோஜி) மற்றும் கென் மாஸ்டர்ஸ் (நோவா சென்டினியோ) மீண்டும் போர்க்களத்தில் இறங்கும் சூழல் உருவாகிறது. மர்மம் நிறைந்த சுன்-லி (கலினா லியாங்), அடுத்த ‘வேர்ல்ட் வாரியர் டோர்னமென்ட்’ போட்டியில் பங்கேற்க அவர்களை அழைக்கிறார். விதியும் கோபமும் மோதும் இக்கொடூரமான போட்டியின் பின்னணியில் ஒரு சதித்திட்டம் மறைந்துள்ளது. அது ரியூ மற்றும் கெனை ஒருவருக்கு ஒருவர் எதிராக நிற்கவும், தங்களின் கடந்தகால இருண்ட நினைவுகளை எதிர்கொள்ளவும் கட்டாயப்படுத்துகிறது. இதில் அவர்கள் தோல்வியடைந்தால் ஒட்டுமொத்த ஆட்டமும் முடிவுக்கு வந்துவிடும்.

இப்படத்தில் நோவா சென்டினியோ (கென் மாஸ்டர்ஸ்), ஆண்ட்ரூ கோஜி (ரியூ), கலினா லியாங் (சுன்-லி) ஆகியோருடன் ஜோ ரோமன் ரெய்ன்ஸ் அனோஆய் (அகுமா), டேவிட் டாஸ்ட்மால்சியன் (எம். பைசன்), கோடி ரோட்ஸ் (கைல்), கர்டிஸ் ’50 சென்ட்’ ஜாக்சன் (பால்ராக்) மற்றும் ஜேசன் மோமோவா (பிளாங்கா) உள்ளிட்ட பல முன்னணி சர்வதேச நட்சத்திரங்கள் நடித்துள்ளனர். மாபெரும் ஆக்ஷன் பட்டாளங்கள் இணைந்துள்ள இந்த ‘ஸ்ட்ரீட் ஃபைட்டர்’ திரைப்படத்தை பாரமவுண்ட் ஸ்டுடியோஸ் இந்தியா நிறுவனம் வரும் 2026 அக்டோபர் 16 அன்று இந்திய திரையரங்குகளில் பிரம்மாண்டமாக வெளியிடுகிறது.