“பாக்யராஜ் சார் படம் பார்க்குற மாதிரியே இருந்துச்சுடா!” – ‘மொத ராத்திரி’ டிரெய்லர் லான்ச்சில் கார்த்திக் சுப்புராஜ்!

பாக்ஸ் ஆபீஸை மிரட்ட வர்ற ‘மொத ராத்திரி’ – கார்த்திக் சுப்புராஜ், கார்த்திகேயன் பாராட்டிய செம ஜாலியான டிரெய்லர் லான்ச் அலப்பறைகள்!சினிமாவுல சில படங்களோட அனௌன்ஸ்மென்ட் வரும்போதே ‘மச்சான், இந்தப் படம் கண்டிப்பா வேற லெவல்ல இருக்கும்டா’ அப்படின்னு தோணும். அதுவும் புஷ்பா, ஆர்ஆர்ஆர்-னு பான் இந்தியா லெவல்ல வெறித்தனமான பிளாக்பஸ்டர் படங்களை வரிசையா தயாரிச்சு வர்ற ‘மைத்ரி மூவி மேக்கர்ஸ்’ கம்பெனியோட புதுப் படம்னா சும்மாவா? அவங்க தயாரிப்புல, டைரக்டர் ராஜா கருப்பசாமி இயக்கத்துல, ரிஷிகாந்த் மற்றும் அனிஷ்மா அனில்குமார் மெயின் ரோல்ல நடிச்சிருக்கற ‘மொத ராத்திரி’ படத்தோட ஷூட்டிங் ஒருவழியா முடிஞ்சு, வர்ற ஆகஸ்ட் 21 ஆம் தேதி தியேட்டர்ல ரிலீஸாகப் போகுது. இதோட செம இன்ட்ரஸ்டிங்கான டிரெய்லர் ரிலீஸ் ஃபங்க்ஷன் சென்னையில ரொம்ப கிராண்டா நடந்துச்சு

ஃபங்க்ஷன்ல முதல்ல பேசின புரொடியூசர் ரவி சங்கர்,

“டைரக்டர் ராஜா இந்த ஒன்-லைனை வந்து சொன்னப்பவே எங்களுக்கு ரொம்ப பிடிச்சிருச்சு. ரீசண்டா வந்த ‘டூரிஸ்ட் ஃபேமிலி’ மாதிரி சின்ன பட்ஜெட்ல வந்து தியேட்டர்ல பட்டையைக் கிளப்பின நல்ல படங்கள் வரிசையில இந்த ‘மொத ராத்திரி’ படமும் கண்டிப்பா சேரும். ஏன்னா இதுல அந்த அளவுக்கு ஒரு சூப்பரான கன்டென்ட் இருக்கு” அப்படின்னு ரொம்ப நம்பிக்கையா பேசினாரு.
அவரைத் தொடர்ந்து அங்காடி தெரு வெங்கடேஷ் பேசும்போது,
“அங்காடி தெரு படத்துக்கு அப்புறம் எனக்கு தொடர்ந்து வில்லன் ரோலாவே வந்துச்சுப்பா. ஆனா டைரக்டர் ராஜா இதுல எனக்கு ரொம்ப வித்தியாசமான ரோல் கொடுத்திருக்காரு. ஹீரோ ரிஷிகாந்த் புதுப்பையனா இருந்தாலும், சீன்ல எங்கே நம்மள ஓவர்டேக் பண்ணிடுவாரோ-னு பயந்து பயந்து உஷாரா நடிச்சேன்” அப்படின்னு சொல்லி அரங்கத்தையே சிரிக்க வச்சாரு. கேமராமேன் சுரேஷ் பரஞ்சோதியும், எடிட்டர் அசோக் அர்ஜூனனும் “எங்க மாதிரி புது டீமை நம்பி இவ்வளவு பெரிய வாய்ப்பு கொடுத்த மைத்ரி மூவி மேக்கர்ஸ்க்கு பெரிய தேங்க்ஸ்” அப்படின்னு நெகிழ்ந்து போனாரு.

அடுத்ததா மைக் பிடிச்ச ஆக்டர் சேத்தன்,

“டைரக்டர் ராஜா எங்க வீட்டுக்கு வந்து இந்த கதையை சொன்னப்ப, நாங்க எல்லாரும் ஒண்ணா உட்கார்ந்து விழுந்து விழுந்து சிரிச்சோம். முதல்ல என் வைஃப் தேவதர்ஷினியை தான் ஒரு கேரக்டர்ல நடிக்கக் கேட்டாங்க. ஆனா டேட் பிராப்ளம்னால அவங்களால நடிக்க முடியாம போயிடுச்சு” அப்படின்னு ஒரு சீக்ரெட்டை உடைச்சாரு. மியூசிக் டைரக்டர் பரத் சங்கர் பேசும்போது, “நம்ம டைரக்டர் ராஜா பார்க்க ரொம்ப வெள்ளந்தியா இருப்பாரு. ஆனா படத்துல செம புத்திசாலித்தனமா வேலை பார்த்திருக்காரு. ஆகஸ்ட் 21 தியேட்டர்ல படத்தை பார்த்துட்டு நீங்களே சொல்லுவீங்க” அப்படின்னு மாஸா சொன்னாரு.

அப்புறம் டைரக்டர் ஸ்ரீகணேஷ் பேசும்போது,

“ஹீரோ ரிஷி எனக்கு பத்து வருஷமா தெரிஞ்ச நல்ல பிரண்டு. அவரு இன்னைக்கு ஹீரோவா ஸ்கிரீன்ல வர்றதைப் பார்க்கவே செம ஹாப்பியா இருக்கு. இந்த வருஷத்தோட பெஸ்ட் படங்கள் லிஸ்ட்ல இது கண்டிப்பா இருக்கும்”னு வாழ்த்தினாரு.

ஹீரோயின் அனிஷ்மா பேசும்போது,

“இந்தப் படத்துல நான் முத்து செல்வி-னு ஒரு செம எதார்த்தமான கேரக்டர்ல நடிச்சிருக்கேன். சான்ஸ் கொடுத்த எல்லாருக்கும் நன்றி” அப்படின்னு சிம்பிளா முடிச்சாங்க. டைரக்டர் கீர்த்தீஸ்வரன், “சரியான ஆக்டர்களை செலக்ட் பண்ணும்போதே டைரக்டர் பாதி ஜெயிச்சிட்டாரு. டிரெய்லர் பார்க்கும்போதே ஏதோ புது உலகத்துக்குள்ள போயிட்டு வந்த மாதிரி ஒரு ஃபீல் கிடைக்குது” அப்படின்னு பாராட்டினாரு.

அதுக்கப்புறம் டைரக்டர் பாரி பேசும்போது,

“என்னை மாதிரி கிராமத்துல இருந்து ஏகப்பட்ட சினிமா கனவுகளோட சென்னைக்கு வர்ற பசங்களுக்கு ஒரு பெரிய நம்பிக்கையா இந்தப்படம் இருக்கும். ஒரு சீரியஸான விஷயத்தை காமெடி கலந்து சொன்னா மக்கள் மனசுல ஈஸியா உட்காரும். பெரிய பட்ஜெட் படங்கள் தியேட்டர்ல உங்களை ஜஸ்ட் என்டர்டெயின் பண்ணும், ஆனா இந்த மாதிரி சின்ன பட்ஜெட் படங்கள் தான் உங்களை ஆச்சரியப்படுத்தும். சோ, எல்லாரும் சப்போர்ட் பண்ணுங்க” அப்படின்னு செம பாயிண்ட்டா பேசினாரு.

நிகழ்ச்சிக்கு சீஃப் கெஸ்ட்டா வந்த நம்ம பீட்சா, ஜிகர்தண்டா டைரக்டர் கார்த்திக் சுப்புராஜ் பேசும்போது,

“ரிஷி எப்போதுமே ஒரு கேரக்டரை சூப்பரா உள்வாங்கி நடிக்கிற ஒரு நல்ல ஆக்டர். இந்த ‘மொத ராத்திரி’ டிரெய்லரை ஸ்கிரீன்ல பார்க்கும்போது எனக்கு நம்ம திரைக்கதை மன்னன் பாக்யராஜ் சாரோட பழைய எதார்த்தமான படங்களை தியேட்டர்ல பார்க்குற மாதிரியே ஒரு சூப்பர் ஃபீல் தந்துச்சு” அப்படின்னு சொல்லி மொத்த படக்குழுவையும் உசுப்பேத்தினாரு.

அவரைத் தொடர்ந்து ‘அயலான்’ ரவிக்குமார் பேசும்போது, “சுத்தி நடக்குற எந்த விஷயத்தை படமா எடுக்குறோம்ங்கிறதுல தான் ஒரு டைரக்டரோட கெத்து இருக்கு. ரிஷி இப்ப ஹீரோவா அடுத்த லெவலுக்கு வந்துட்டாரு. மைத்ரி மூவி மேக்கர்ஸ் இந்த புது டீமை நம்பி சப்போர்ட் பண்ணதுக்கு பெரிய தேங்க்ஸ்” அப்படின்னு பாராட்டினாரு.

அப்புறம் டைரக்டர் ராஜா கருப்பசாமி ரொம்ப எமோஷனலா,

“என் கேமராமேன் தினேஷ் புருஷோத்தமனால தான் இந்த படம் இன்னைக்கு இந்த அளவுக்கு சூப்பரா வந்திருக்கு. தூத்துக்குடியில இருந்து எந்த ஒரு பின்னணியும் இல்லாம சென்னைக்கு வந்த எனக்கு, கூடவே இருந்து சப்போர்ட் பண்ண என் பிரண்ட்ஸ், ஃபேமிலி எல்லாருக்கும் தேங்க்ஸ். என் லைஃப்ல நான் பார்த்த, பழகின எல்லா பெண்களுக்குமே இந்த படத்தை நான் ரொம்ப பெருமையா டெடிகேட் பண்றேன். ஏன்னா இது என் சொந்த லைஃப் எக்ஸ்பீரியன்ஸ்ல இருந்து எழுதின கதை” அப்படின்னு உருகினாரு.

கடைசியா வந்த நம்ம கதையின் நாயகன் ரிஷிகாந்த்,

“இதுக்கு முன்னாடி நான் சின்ன சின்ன கேரக்டர்ல நடிச்சப்பவே என்னை நோட் பண்ணி பாராட்டின மீடியாவுக்கு தான் என் முதல் தேங்க்ஸ். இந்த ‘மொத ராத்திரி’ கதையை டைரக்டர் ராஜா ஃபர்ஸ்ட் ஒரு ஷார்ட் ஃபிலிமா தான் என்கிட்ட கொண்டு வந்தாரு. அதுக்கப்புறம் நாங்க ரெண்டு பேரும் ஒண்ணா சேர்ந்து கிட்டத்தட்ட 6 வருஷமா ரொம்ப கஷ்டப்பட்டு, போராடி இந்த படத்தை தியேட்டர் வரைக்கும் கொண்டு வந்திருக்கோம். எந்த ஒரு கஷ்டமான சிச்சுவேஷன்லயும் என்னை விட்டுக் கொடுக்காம என் மேல நம்பிக்கை வச்ச என் பிரண்டு ராஜாவுக்கும் மைத்ரி மூவி மேக்கர்ஸ்க்கும் பெரிய தேங்க்ஸ். கண்டிப்பா ஃபேமிலியோட தியேட்டருக்கு வந்து எல்லாரும் ஜாலியா என்ஜாய் பண்ற படமா இது இருக்கும், ஆகஸ்ட் 21 தியேட்டர்ல மீட் பண்ணுவோம்” அப்படின்னு செம ஃபீலிங்கா பேசி ஃபங்க்ஷனை முடிச்சு வச்சாரு.