கிராமத்து ஆக்ஷனில் இறங்கும் ‘ஃபிட்னஸ் கிங்’ அருண் விஜய் : முத்தையா இயக்கத்தில் ‘இருளன்’ மிரட்டல் அறிவிப்பு!

தமிழ் சினிமாவின் ஆகச்சிறந்த உழைப்பாளி மற்றும் கட்டுக்கோப்பான உடலமைப்பிற்கு (Ultimate Fitness) இலக்கணமாகத் திகழும் நடிகர் அருண் விஜய் மற்றும் கிராமிய பின்னணி படங்களின் முன்னணி இயக்குநர் எம். முத்தையா கூட்டணியில் உருவாகும் புதிய திரைப்படத்திற்கு ‘இருளன்’ எனப் பெயரிடப்பட்டுள்ளது. இதன் ஃபர்ஸ்ட் லுக் போஸ்டர் தற்போது வெளியாகி இணையத்தைக் கலக்கி வருகிறது.

அருண் விஜய்யின் அசாத்திய உடலமைப்பு தமிழ் திரையுலகில் வயது ஒரு வெறும் எண்தான் என்பதை நிரூபித்து, இளமை மாறாத எஃகு போன்ற உடலமைப்போடு (Iron Body) வலம் வருபவர் அருண் விஜய். எந்தவொரு கதாபாத்திரமாக இருந்தாலும், அதற்கேற்ப தனது உடலை வருத்தி, சிக்ஸ் பேக் (Six-pack abs), திரண்ட தோள்கள் மற்றும் அசாத்தியமான தசைக்கட்டுகளோடு திரையில் தோன்றுவது இவரது தனிச்சிறப்பு.

‘இருளன்’ திரைப்படத்திற்காக அவர் தனது உடலமைப்பை மேலும் மெருகேற்றி, கட்டுமஸ்தான கிராமத்து முரட்டுத் தோற்றத்தில் (Rustic and Powerful look) மிரட்டியுள்ளார். அவரது இந்த அசுரத்தனமான உடல் தகுதி (Ultimate Physical Fitness) படத்தின் ஆக்ஷன் காட்சிகளை வேற லெவலுக்கு கொண்டு செல்லும் என்பதில் சந்தேகமில்லை.

‘குட்டி புலி’, ‘கொம்பன்’, ‘மருது’ போன்ற கமர்ஷியல் ஹிட் படங்களை கொடுத்த இயக்குநர் முத்தையா, அருண் விஜய்யின் இந்த மாஸான உடலமைப்பிற்கு ஏற்றபடி ஒரு பக்கா ஆக்ஷன் கதையை உருவாக்கியுள்ளார். படத்தின் ஃபர்ஸ்ட் லுக் போஸ்டரில் “இது போர்குடி காவல் இனத்தின் வீர வரலாறு” என்ற வாசகமும், “உறின்உயிர் அஞ்சா மறவர்…” என்ற வீரமிக்க திருக்குறளும் இடம்பெற்றுள்ளன. உண்மைச் சம்பவத்தை அடிப்படையாகக் கொண்டு, குடும்ப பாரம்பரியத்தை காக்கும் ஒரு காவல் தெய்வமாக அருண் விஜய் மாஸ் காட்டவுள்ளார்.

நேதாஜி புரொடக்‌ஷன்ஸ் (Nethaji Productions) சார்பில் சண்முகவேல் பாண்டியன் தயாரிக்கும் இப்படத்தில் அருண் விஜய்க்கு ஜோடியாக மிர்ணா மேனன் நடிக்கிறார். சமுத்திரக்கனி மற்றும் ஜான் கொக்கேன் ஆகிய இருவரும் முக்கிய வேடங்களில் நடிக்கின்றனர். திரையரங்குகளை அதிரவைக்க ஜிப்ரான் வைபோதா இசையமைக்கிறார். கோபிநாத் ஒளிப்பதிவு செய்ய, ஆர். கலைவாணன் படத்தொகுப்பு பணிகளை கவனிக்கிறார்.

ஸ்டைலிஷ் வில்லனாகவும், அதிரடி நாயகனாகவும் முத்திரை பதித்த அருண் விஜய், முதன்முறையாக தனது கம்பீரமான உடலமைப்போடு ஒரு முழு நீள கிராமத்து ஆக்ஷன் களத்தில் இறங்குவதால் ‘இருளன்’ படத்தின் மீதான எதிர்பார்ப்பு ஒட்டுமொத்த ரசிகர்களையே உச்சமடையச் செய்துள்ளது.