கே.எஸ்.ரவிகுமார் படத்தில் இணையும் சரத்குமார் – கவுதம் வாசுதேவ் மேனன்!
தெனாலி, கூகுள் குட்டப்பா ஆகிய படங்களை தயாரித்த, இயக்குனர் கே.எஸ்.ரவிக்குமாரின் ஆர்கே செல்லுலாய்ட்ஸ், நிறுவனம் தயாரிக்கும் அடுத்த படம் ஹிட்லிஸ்ட். இப்படத்தில், பிரபல இயக்குனர் விக்ரமனின் மகன் விஜய் கனிஷ்கா கதாநாயகனாக அறிமுகமாகிறார்.
ஹிட்லிஸ்ட் படத்தை, இயக்குனர் கே.எஸ்.ரவிக்குமாரிடம் உதவி இயக்குனர்களாக பணியாற்றிய சூரியகதிர் மற்றும் கார்த்திகேயன் இருவரும் இணைந்து இயக்கி வருகின்றனர்.
நடிகர் சரத்குமார் இந்த படத்தில் ஒரு முக்கியமான கதாபாத்திரத்தில் நடிக்கிறார். இயக்குனர் கவுதம் வாசுதேவ் மேனன் பயங்கரமான வில்லனாக நடிக்கிறார்.
மேலும் ஹிட்லிஸ்ட் படத்தில் சித்தாரா, முனீஸ்காந்த், ஐஸ்வர்யா தத்தா, ஸ்மிருதி வெங்கட், பாலசரவணன், ரெடின் கிங்ஸ்லி, அபிநயா, கேஜிஎஃப் புகழ் கருடா ராமச்சந்திரா மற்றும் அனுபமா குமார் உள்ளிட்ட பலர் முக்கிய கதாபாத்திரங்களில் நடிக்கின்றனர்.
ஹிட்லிஸ்ட் படத்தின் ஒளிப்பதிவை ராம்சரண் கையாள, படத்தொகுப்பை ஜானும் கலை இயக்கத்தை அருணும் கவனிக்கின்றனர். இந்த படத்தின் பணிகள் தற்போது இறுதி கட்டத்தை எட்டியுள்ளன.
ஹிட்லிஸ்ட் ஒரு முழுமையான குடும்ப பொழுதுபோக்கு படத்திற்கு தேவையான கமர்சியல் அம்சங்கள் நிறைந்த, ஆக்சன் திரில்லராக இந்த படம் இருக்கும். என்கின்றனர், அறிமுக இயக்குநர்களான சூரியகதிர் மற்றும் கார்த்திகேயன்.