Dulquer Salmaan I Am Game Movie Trailer: துல்கர் சல்மானின் 40-வது படம் ‘ஐ ஆம் கேம்’ ஆக்ஷன் டிரெய்லர் வெளியீடு!
மலையாள திரையுலகின் முன்னணி ஸ்டார் துல்கர் சல்மான் (Dulquer Salmaan) நடிக்கும் “ஐ ஆம் கேம்” (I am Game Movie) திரைப்படத்தின் அதிகாரப்பூர்வ டிரெய்லர் வெளியாகி இணையத்தில் பயங்கரமாக ட்ரெண்டாகி வருகிறது. ஆர்.டி.எக்ஸ் (RDX) பட புகழ் இயக்குநர் நஹாஸ் ஹிதாயத் (Nahas Hidayath) இயக்கியுள்ள இந்த மெகா பட்ஜெட் ஃபேன்டஸி திரில்லர் திரைப்படம், ஓணம் பண்டிகை (Onam 2026) ஸ்பெஷலாக ஆகஸ்ட் 20, 2026 அன்று மலையாளம், தமிழ், தெலுங்கு, இந்தி மற்றும் கன்னடம் ஆகிய 5 மொழிகளில் பான்-இந்தியா (Pan-India Movie) படமாக உலகம் முழுவதும் திரையரங்குகளில் வெளியாகிறது.
“லோகா” திரைப்படத்தின் மாபெரும் வெற்றிக்குப் பிறகு துல்கர் சல்மானின் வேஃபேரர் ஃபிலிம்ஸ் நிறுவனம் மற்றும் ஜோம் வர்கீஸ் இணைந்து தயாரித்துள்ள இந்தத் திரைப்படம், துல்கரின் திரைப்பயணத்திலேயே மிக அதிக பட்ஜெட்டில் உருவாகும் 40-வது திரைப்படமாகும் (DQ 40). இப்படத்திற்கு சஜிர் பாபா, இஸ்மாயில் அபூபக்கர் மற்றும் பிலால் மொய்து ஆகியோர் திரைக்கதை எழுதியுள்ளனர். வசனங்களை சஜிர் பாபா, ஆதர்ஷ் சுகுமாரன் மற்றும் ஷபாஸ் ரஷீத் ஆகியோர் இணைந்து உருவாக்கியுள்ளனர்.
தற்போது வெளியாகியுள்ள “I Am Game Trailer” தொடக்கம் முதல் இறுதி வரை ரசிகர்களை இருக்கை நுனியில் அமர வைக்கும் வகையில் அதிரடி சேஸ் சீக்வென்ஸ்கள் மற்றும் பிரம்மாண்ட ஆக்ஷன் காட்சிகளுடன் அமைந்துள்ளது. கே.ஜி.எஃப் மற்றும் லியோ பட புகழ் அன்பறிவ் மாஸ்டர்கள் (Anbariv Masters) இப்படத்தின் சண்டைக் காட்சிகளை வடிவமைத்துள்ளனர். இதுவரை ரசிகர்கள் பார்த்திராத அளவுக்கு மிகவும் ஸ்டைலிஷ் மற்றும் மாஸ் தோற்றத்தில் துல்கர் சல்மான் தோன்றுவது இந்த டிரெய்லரின் முக்கிய அம்சமாகும்.
தென்னிந்தியாவின் 100-க்கும் மேற்பட்ட முக்கிய இடங்களில் படமாக்கப்பட்டுள்ள இப்படம், மலையாள சினிமாவின் மிகப்பெரிய ரிலீஸாக அமையவுள்ளது. ஜேக்ஸ் பிஜாய் (Jakes Bejoy) இசையமைத்துள்ள இப்படத்தின் பாடல்கள் மற்றும் ஆடியோ உரிமையை ஜீ மியூசிக் (Zee Music) நிறுவனம் கைப்பற்றியுள்ளது. ஜிம்ஷி காலித் (Jimshi Khalid) ஒளிப்பதிவில் டிரெய்லரின் ஒவ்வொரு காட்சியும் ரசிகர்களின் கவனத்தை ஈர்த்துள்ளது.நட்சத்திரப் பட்டாளம் (I Am Game Cast)இப்படத்தில் துல்கர் சல்மானுடன் இணைந்து ஆண்டனி வர்கீஸ் (Antony Varghese), மிஷ்கின் (Mysskjin), கயாது லோஹர், கதிர், பார்த் திவாரி மற்றும் சம்யுக்தா விஸ்வநாதன் உள்ளிட்ட பலர் முக்கிய கதாபாத்திரங்களில் நடித்துள்ளனர். ஏற்கனவே வெளியான ஃபர்ஸ்ட் லுக் போஸ்டர்கள் பெரும் வரவேற்பைப் பெற்ற நிலையில், தற்போது வெளியாகியுள்ள டிரெய்லர் படத்தின் மீதான எதிர்பார்ப்பை பல மடங்கு அதிகரித்துள்ளது.