கமல்ஹாசன் – சிவகார்த்திகேயன் படப்பிடிப்பு ஆரம்பம்!

உலகநாயகன் கமல்ஹாசன் மற்றும் சோனி பிக்சர்ஸ் இன்டர்நேஷனல் புரொடக்சன்ஸ் இணைந்து வழங்கும் சிவகார்த்திகேயன் நடிக்கும் #SK21 திரைப்படத்தின் படப்பிடிப்பு தொடங்கி நடைபெற்று வருகிறது.

ராஜ்குமார் பெரியசாமி எழுதி, இயக்கும் பெயரிடப்படாத இந்தப் படத்துக்கு ஜி.வி.பிரகாஷ் இசையமைக்கிறார். உலகநாயகன் கமல்ஹாசன், சோனி பிக்சர்ஸ் இன்டர்நேஷனல் புரொடக்சன்ஸ் மற்றும் ஆர். மகேந்திரன் இணைந்து தயாரிக்கிறார்கள்.

#SK21 பல்வேறு கலாச்சாரங்களுக்கு மத்தியில் நம் தேசத்தின் மீது நாம் கொண்டிருக்கும் பற்றைப் பேசும் படமாக இது இருக்கும். அதிரடி ஆக்‌ஷன்களுடன் புதுமையான கதைக் களத்தில் பயணிக்கும் #SK21 ரசிகர்களுக்கு ஒரு நிறைவான அனுபவமாக இருக்கும். இந்தப் படத்தின் படப்பிடிப்பு தயாரிப்பாளர்கள் உலகநாயகன் கமல்ஹாசன், தயாரிப்பாளர் ஆர்.மகேந்திரன், இணை தயாரிப்பாளர்  வக்கீல்  கான், பொது மேலாளர் மற்றும் தலைவர் (SPIP) லாடா  குருதேன்  சிங், மற்றும் RKFI தலைமை செயல் அதிகாரி நாராயணன் ஆகியோர் கலந்துகொண்ட பிரமாண்டமான விழாவுடன் தொடங்கியது. படப்பிடிப்பு காஷ்மீரில் அடுத்த 60 நாட்களுக்கு தொடர்ந்து நடைபெறும். என்று படக்குழு தெரிவித்துள்ளது.