Connect with us

Reviews

பேட்ட – விமர்சனம்

Published

on

இயக்குனர் கார்த்திக் சுப்பராஜ் முதன் முறையாக சூப்பர் ஸ்டார் ரஜினிகாந்த்தை வைத்து இயக்கியுள்ள படம் ‘பேட்ட’. இப்படம் ரசிகர்களிடம் மிகப்பெரிய எதிர்பார்ப்பை உருவாக்கியிருந்தது. அதை பூர்த்தி செய்திருக்கிறதா?

ரேக்கிங்கில் முதலிடத்தை பிடிக்க முன்னேறி கொண்டிருக்கும் காலேஜ் வார்டனாக நியமிக்கப்படுகிறார் ரஜினிகாந்த். அவர் காலேஜில் நடக்கும் கேன்டீன் ஊழல்களை ஒழித்து, ரேக்கிங்கில் ஈடுபடும் மாணவர்களுக்கு தண்டனையும் கொடுக்கிறார்.

இந்நிலையில் ரஜினிகாந்தையும், ஆஸ்திரேலியாவிலிருந்து வந்து, அதே காலேஜில் படிக்கும் சனந்த் ரெட்டியையும் ஒரு கும்பல் கொலை செய்ய முயற்சிக்கிறது. இவர்களை கொலை செய்ய முயற்சிப்பவர்கள் யார்? ஏன்? என்ற கேள்விகளுக்கு விடையாகிறது ‘பேட்ட’ படத்தின் திரைக்கதை.

ரஜினிகாந்தே மறந்து போயிருந்த அவரோட நடை, நக்கல், ஸ்டைல் எல்லாவற்றையும் பக்கா மாஸாக திரைக்கு கொண்டு வந்திருக்கிறார் இயக்குனர் கார்த்தி சுப்பராஜ். 90 களில் அதிரவைத்த ரஜினியின் மொத்த மாஸூம் படம் முழுவதும் நிரம்பியிருக்கிறது. ரஜினிகாந்தின் ரசிகர்களுக்காக படைக்கப்பட்ட மிகப்பெரிய ஒரு விருந்து தான் இந்தப்படம். காளி மற்றும் பேட்ட இரண்டு கேரக்டர்களிலுமே எனெர்ஜெடிக் யங் மேனாக வலம் வருகிறார் ரஜினி. அதிலும் சிம்ரனுடன் அடிக்கும் காதல் லூட்டி சூப்பர். அதே பழைய குறும்பு. பாபி சிம்ஹாவின் வீட்டுக்குள் நுழைந்து அவரின் அம்மாவிடம் டீ கேட்டுவிட்டு, ரௌடிகளை அடிப்பது மரண மாஸ்.

தமிழ் பேசும் வட இந்தியராக வெகு பொருத்தமான கேரக்டரில் விஜய் சேதுபதி. துப்பாக்கி பிடித்து சுடுவதிலும், பப்புக்குள் நுழைந்து காதலர்களை அடிக்கும் போதிலும் அவரோட நடிப்பு அப்ளாசுகளை அள்ளுகிறது. அவர் ஒவ்வொரு படத்திலேயும் தன்னுடைய வித்தியாசமான நடிப்பால் தனித்து நிற்கிறார். தமிழ் சினிமாவின் ஒரு அடையாளமாகவே மாறியிருக்கிறார்.

நவாசுதின் சித்திக் வழக்கமான நடிப்பில் மிரட்டுகிறார். சசிகுமார், பாபிசிம்ஹா, நரேன் ஒவ்வொருவரும் சிறப்பு. சிம்ரன் இந்த படத்தின் மூலம் மீண்டும் சினிமாவில் வலம் வருவார்.

த்ரிஷா, ரஜினிகாந்துடன் ஒன்றிரண்டு காட்சிகளில் மட்டுமே வந்து போகிறார். அதை தவிர அவரைப் பற்றி சொல்ல ஒன்றுமில்லை.

முதல் பாதி முழுக்க ரசிகர்களை உற்சாகமாக வைத்திருக்கும் இயக்குனர் கார்த்தி சுப்பராஜ் இரண்டாம் பாதியில் சற்று ஏமாற வைத்திருக்கிறார். துப்பாக்கி சுடும் காட்சிகள் ரொம்பவே சோர்வடைய செய்கிறது.

திருவின் ஒளிப்பதிவு படத்திற்கான பெரிய பலம்., அனிருத்தின்  பின்னணி இசை சில இடங்களில் வசங்களை கேட்கவிடாமல் செய்து விடுகிறது. பாடல்களுக்கு  தியேட்டரில் ரகளை..

படத்திற்கு தடையாக இருப்பது துப்பாக்கி சண்டைக் காட்சிகளும், படத்தின் நீளமும்.

Advertisement

Review

‘வனம்’ : விமர்சனம்.

Published

on

By

‘கோல்டன் ஸ்டார் புரொடக்ஷன்ஸ் பிரைவேட் லிமிடெட்’ சார்பில் கிரேஸ் ஜெயந்தி ராணி, ஜே. பி அமலன், ஜே.பி அலெக்ஸ் ஆகியோர் இணைந்து தயாரித்துள்ள படம் ‘வனம்’.இப்படத்தினை  ஸ்ரீகண்டன் ஆனந்த் இயக்கியுள்ளார்.

‘8 தோட்டாக்கள்’, ‘ஜீவி’, போன்ற படங்களில் வெற்றி மற்றும் ஸ்மிருதி வெங்கட், அனு சித்தாரா, வேல ராமமூர்த்தி ஆகியோர் நடித்துள்ளனர்.

ஒளிப்பதிவு: விக்ரம் மோகன், இசை: ரான் ஈத்தன் யோஹான், எடிட்டிங் : பிரகாஷ் மப்பு.

‘மறுபிறவி’ மற்றும் அதனை சார்ந்த அமானுஷ்யமான விஷயத்தை மைய்யப்படுத்தி உருவாகியிருக்கும் ‘வனம்’  எப்படியிருக்கிறது? பார்க்கலாம்.

வெற்றி, ஓவிய கல்லூரி ஒன்றில் முதலாம் ஆண்டு மாணவராக ஓவியம் பயில்கிறார். அக்கல்லூரியின் விடுதியில் தன்னுடன் பயிலும் இரண்டு மாணவர்களுடன் தங்குகிறார். அப்போது இரண்டு மாணவர்களும் ஒருவருக்கு பின் ஒருவராக தற்கொலை செய்துகொள்கிறார்கள். இது அவருக்கு சந்தேகத்தையும், பயத்தையும் உண்டாக்குகிறது.

இதனிடையில் இந்த கல்லூரி பற்றிய ஆவணப்படத்தை உருவாக்கும் முயற்சியில் ஆவணப்பட இயக்குனரான நாயகி ஸ்மிருதி வெங்கட் இந்த கல்லூரிக்கு வருகிறார். இருவரும் இணைந்து விடுதி அறையில் தங்கி, உயிரிழந்த இரண்டு மாணவர்களின் தற்கொலைக்கான காரணங்களையும்  அதன் பின்னணியையும் கண்டறிய முற்படுகிறார்கள்.

அதன்பிறகு என்ன நடைபெறுகிறது? என்பதே ‘வனம்’ படத்தின் சஸ்பென்ஸ், திரில்லர் திரைக்கதை மற்றும் க்ளைமாக்ஸ்.

ஒளிப்பதிவாளர், கலை இயக்குநர், இசையமைப்பாளர், இயக்குநர் ஆகியோரின் கூட்டணி அழகியலை சார்ந்தே இருப்பதால் படத்தின் முதல் பகுதி மெதுவாக நகர்கிறது.

சைக்கோ ஜமீனாக நடித்திருக்கும் எழுத்தாளரும், நடிகருமான வேல ராமமூர்த்தி, அந்த வேடத்திற்கு பொருத்தமானவராக இருக்கிறார். கதாநாயகி ஸ்மிருதி வெங்கட், கதையின் நாயகி அனு சித்தாரா இருவரும் இயக்குநர் என்ன சொன்னாரோ அதை மட்டுமே செய்துள்ளனர்.

தன்னை கொடுங்கொலை செய்தவரை பழிவாங்க மறுஜென்மம் எடுக்கும் நபர், அவரை விட்டுவிட்டு மற்றவர்களை கொல்லத்துடிப்பது ஏன்? அழகம்பெருமாள் கதாபாத்திரத்தினை வடிவமைத்து போல் இல்லாமல் வெற்றியின் கதாபாத்திரம் சரியாக வடிவமைக்கப்படவில்லை என்பது படத்தின் பெரும் பின்னடைவு.

அவர் நாயகன் வெற்றியை கொல்லாமல் மற்றவர்களை கொல்வது ஏன்?

ஒளிப்பதிவு மற்றும் கிராபிக்ஸ் காட்சிகளில் காட்டியிருக்கும் நேர்த்தியை திரைக்கதையிலும், கதாபாத்திர வடிவமைப்பிலும் காட்டியிருந்தால் ‘வனம்’ வனப்புடன் இருந்திருக்கும்.

Continue Reading

Review

‘மாநாடு’ : விமர்சனம்!

Published

on

By

‘வி ஹவுஸ் புரடக்‌ஷன்’ சார்பில் சுரேஷ் காமாட்சி தயாரித்துள்ள படம்,’மாநாடு’. இயக்குனர் வெங்கட் பிரபு இயக்கியிருக்கும் இந்தப்படத்தில் சிலம்பரசன், எஸ்.ஜே.சூர்யா, கல்யாணி, எஸ்.ஏ.சி, வாகை சந்திரசேகர், ஒய்.ஜி.மஹேந்திரன், பிரேம்ஜி, கருணாகரன் ஆகியோர் நடித்துள்ளனர்.

தயாரிப்பாளர் சுரேஷ் காமாட்சி, வெங்கட் பிரபு சிலம்பரசன் மூவரும் முதன்முதலில் இணைந்ததால் ‘மாநாடு’ ஆரம்பக்கட்ட தயாரிப்பு நிலையிலேயே ரசிகர்களிடையே மிகப்பெரிய எதிர்பார்ப்பினை உருவாக்கியிருந்தது. அந்த எதிர்பார்ப்பினை பூர்த்தி செய்திருக்கிறதா? பார்க்கலாம்.

‘மாநாடு’ படத்தின் கதை, பல படங்களில் நாம் பார்த்தது தான். ஆனால் ‘அறிவியல் புனைவு’ திரைக்கதை, இந்திய சினிமாவுக்கு முற்றிலும் புதியது. இனி கதைக்கு வருவோம்.

சிலம்பரசன் தன்னுடைய வாழ்நாளில் ஒரு குறிப்பிட்ட நேரத்தில் மறுபடியும், மறுபடியும் வாழக்கூடிய ‘டைம் லூப்’னில் மாட்டிக்கொள்கிறார். அதாவது எத்தனை முறை இறந்தாலும் மீண்டும் உயிர் பெற்று அதே சூழ்நிலையில் வாழும் சக்தி கொண்டவர். இந்த சூழ்நிலையில் எஸ்.ஜே.சூர்யா முதலமைச்சர் எஸ்.ஏ.சந்திரசேகரை கொல்லுமாறு சிலம்பரசனை நிர்பந்திக்கிறார். இதன் பிறகு நடக்கும் விறுவிறுப்பான, பரபரப்பான சம்பவங்கள் தான், படத்தின் திரைக்கதை மற்றும் க்ளைமாக்ஸ்!

பிரதான கதாபாத்திரங்களான சிலம்பரசன் – எஸ்.ஜே.சூர்யா இருவரின் கதாபாத்திரங்கள் வடிவமைக்கப்பட்ட விதம், ”மாநாடு’ படத்தின் வெற்றிக்கான மிகப்பெரிய பலம். நீயா நானா பார்த்திடலாம் வா டா! என மோதிக்கொள்வது சுவாரஸ்யம். வெங்கட் பிரபுவின் ‘பிர்லியண்ட் ஸ்கிரீன் ப்ளே’ ஒவ்வொரு காட்சியினையும் பரபரக்க வைக்கிறது. படத்தின் முதல் பாதியை விட இரண்டாம் பாதி இன்னும் சூப்பர்.

சிலம்பரசனும், எஸ்.ஜே.சூர்யாவும் நடிக்கும் ஒவ்வொரு காட்சியினையும் சுவாரஸ்யப் படுத்தியிருக்கிறார்கள்.

இவர்களை போலவே சின்ன சின்ன கதாபாத்திரங்களில் நடித்த கல்யாணி, எஸ்.ஏ.சி, ஒய்.ஜி.மஹேந்திரன், வாகை சந்திரசேகர், பிரேம்ஜி, கருணாகரன் ஆகியோர் கதாபாத்திரங்களுக்கு சிறப்பு சேர்த்து இருக்கின்றனர்.

ஒளிப்பதிவாளர் ரிச்சர்ட்  எம் நாதனினி ஒளிப்பதிவு, யுவனின் பின்னணி இசை, எடிட்டர் கே.எல்.பிரவினின் ‘எடிட்டிங்’ஆகியன,  படத்திற்கு மிக முக்கியமான பங்கு வகித்துள்ளது.

மொத்தத்தில் ‘மாநாடு’ ஒரு விறுவிறுப்பான மாஸ் கமர்ஷியல் எண்டர்டெயினர்.

Continue Reading

Cinema News

‘சபாபதி’ : விமர்சனம்.

Published

on

By

‘சபாபதி’ படத்தில் ‘திக்குவாய்’ அப்பாவி இளைஞர் கதாபாத்திரத்தில் சந்தானம் நடித்திருக்கிறார். அவருக்கு ஜோடியாக பிரீத்தி வர்மா நடித்திருக்க, இவர்களுடன் எம்.எஸ்.பாஸ்கர், ஷாயாஜி ஷிண்டே, வம்சி, மயில்சாமி, லொல்லு சபா சாமிநாதன், மாறன், ‘குக்கூ வித் கோமாளி’ புகழ்,  உள்ளிட்ட பலர் நடித்துள்ளனர்.

RK Entertainment சார்பில் ரமேஷ்குமார் தயாரித்துள்ள இந்தப்படத்தினை ஶ்ரீனிவாசராவ் இயக்கியிருக்கிறார்.

சந்தானம் நடித்து இதுவரை வெளிவந்த டகால்ட்டி, பிஸ்கோத், பாரிஸ் ஜெயராஜ், டிக்கிலோனா ஆகிய படங்கள் ரசிகர்களை பெரிதாக கவராத நிலையில் தற்போது வெளியாகியுள்ள ‘சபாபதி’ ரசிகர்களை கவர்ந்துள்ளதா, இல்லையா?

சிறுவயது முதலே ‘திக்குவாய்’ பிரச்சனை காரணமாக பலராலும் அவமானப் படுத்தப்படுகிறார் சந்தானம். அவருக்கு பெரிய ஆறுதலாக இருப்பவர் ப்ரீத்தி வர்மா. நெருங்கிய நண்பர்களான இருவரும் எதிரெதிர் வீடுகளில் வசிக்கின்றனர். சந்தானம் அவரையே கல்யாணம் செய்து கொள்ள நினைக்கிறார். ஆனால் வேலை கிடைத்தால் தான் கல்யாணம் நடக்கும் என்ற சூழ்நிலை. இதன் பிறகு என்ன நடந்தது? என்பது தான் ‘சபாபதி’ படத்தின் கதை.

‘சபாபதி’ கதாபாத்திரத்திற்கேற்ற அருமையான பாடி லாங்குவேஜ். சந்தானம், மிகச்சிறப்பாக நடித்திருக்கிறார். வெகுளித்தனமாக அவர் செய்யும் செயல்கள் பரிதாபம் ஏற்படுத்துகிறது. இது ஒன்று மட்டுமே படத்தில் சிறப்பு. மற்றபடி எல்லாமே சுத்த பேத்தல்!

சந்தானத்தின் அப்பாவாக ‘கணபதி வாத்தியார்’ என்ற கதாபத்திரத்தில் எம்.எஸ்.பாஸ்கர் நடித்திருக்கிறார். இயக்குனருக்கு ‘கணபதி வாத்தியார்’ மேல் என்ன கோபமோ? சந்தானத்தின் உதவியோடு அவர் தலையில் வாந்தி எடுக்கவைத்தும், வாயில் மூத்திரம் அடிக்க வைத்தும் கேவலபடுத்தியிருக்கிறார்!!

ஷாயாஜி ஷிண்டே, வம்சி, மயில்சாமி, லொல்லு சபா சாமிநாதன், மாறன், ‘குக்கூ வித் கோமாளி’ புகழ்,  ரமா என படத்தில் நடித்தவர்கள் அனைவரும்  இயக்குனர் என்ன சொன்னாரோ அதை செய்திருப்பதாகவே தெரிகிறது.

ஒளிப்பதிவாளர் பாஸ்கர் ஆறுமுகம், இசையமைப்பாளர் சாம் சி.எஸ் கூட்டணியில் ‘மயக்காதே மாயக் கண்ணா’ பாடல் அருமை. பார்க்கவும், கேட்கவும் சுகமாக இருக்கிறது.

வாந்தி எடுப்பது, வாயில் மூத்திரம் அடிப்பது, காதலியின் அம்மாவை டிக்கியில் எட்டி உதைப்பது இவையெல்லாம் தான் காமெடி என நினைத்து படமாக்கியிருக்கிறார், இயக்குநர் சீனிவாச ராவ்.

மொத்தத்தில், ‘சபாபதி’ சந்தானத்தின் நடிப்பில் வேளியாகியுள்ள இன்னொரு தோல்விப் படம்.

Continue Reading

Copyright © 2021 Chennai Editor. Designed by Trendsz Up.