‘பியார் பிரேமா கல்யாணம்’ அட்ராசிட்டி புரமோ! – மாமியார் வீட்டுக்கு குடிபோன மாப்பிள்ளை இளன்!

கல்யாணம் பண்ணிட்டு ஓடிப் போற காலமெல்லாம் போயி, இப்போ கல்யாணமே ஒரு பெரிய ரோலர்கோஸ்டர் ரைடா மாறப்போகுது. “ஓடிப் போய் கல்யாணம் பண்ணுறதா? இல்ல கல்யாணம் பண்ணிட்டு ஓடிப் போறதா?” என்ற செம்ம ட்ரெண்டியான கேள்வியோடு, பிரபல ஓடிடி தளமான நெட்ஃப்ளிக்ஸ் தங்களின் புதிய படமான ‘பியார் பிரேமா கல்யாணம்’ படத்தின் புரமோவை ரிலீஸ் செய்து ரசிகர்களைக் கவர்ந்துள்ளது. இதுவரை நாம பார்த்த மாமூலான சினிமா கல்யாண விதிகளை எல்லாம் இந்தத் திரைப்படம் டோட்டலாக தலைகீழாக மாற்றப் போகிறது. காதல், கல்யாணம், அப்புறம் வர்ற குடும்ப கலாட்டாக்கள் என எல்லாவற்றையும் முற்றிலும் ஒரு புதுமையான, இளமை துள்ளும் கோணத்தில் சொல்ல வரும் இந்தத் திரைப்படம், ரசிகர்களுக்கு ஒரு பக்கா கலர்புல் ஃபேமிலி என்டர்டெய்னராக இருக்கும் என்பதில் சந்தேகமே இல்லை.

இப்படத்தின் மூலம் இயக்குனர் இளன் முதன்முறையாக கேமராவுக்கு முன்னாடி வந்து ஹீரோவாக மாஸ் என்ட்ரி கொடுக்கிறார். அவரே இயக்கி, ஹீரோவாகவும் நடித்துள்ள இந்த ரொமான்டிக் காமெடி திரைப்படத்தில் சான்வீ மேக்னா ஹீரோயினாக பின்னிப் பெடலெடுத்துள்ளார். சோஷியல் மீடியாவில் செம்ம பாப்புலரான இன்ஃப்ளூயன்சர் ‘பவி’ என்ற கேரக்டரில் தான் சான்வீ நடித்துள்ளார். கல்யாணம் ஆனாலும் தன் பெற்றோர் வீட்டை விட்டு போகவே மாட்டேன் என அடம் பிடிக்கும் மார்டன் பெண்ணாக அவர் வலம் வர, வேறு வழியே இல்லாமல் நம்ம ஹீரோ இளன், பொண்ணு வீட்டுக்கே ‘வீட்டு மாப்பிள்ளையாக’ குடிபோகிறார். பையன் மாமியார் வீட்டுக்கு போனதுக்கு அப்புறம் அங்க ஆரம்பிக்கிற மாமியார்-மருமகன் கலாட்டாக்கள், இரு குடும்பத்து மோதல்கள் மற்றும் எமோஷனல் தருணங்கள் என படம் முழுக்க சிரிப்பு வெடிக்கு கேரண்டி கொடுத்துள்ளனர். “நம்ம லைஃப் எப்படி வாழணும்ன்றத அடுத்தவங்க முடிவு பண்ணக் கூடாது” என்ற பியூட்டிஃபுல் மெசேஜையும் இயக்குனர் இதில் சொல்லியிருக்கிறார்.

இளன் தனது வழக்கமான காமெடி மற்றும் எமோஷன் பாணியை இதிலும் கச்சிதமாக கையாண்டுள்ளார். இவர்களுடன் ராதிகா சரத்குமார், யோகி பாபு, எம்.எஸ். பாஸ்கர், கீதா கைலாசம், இளங்கோ குமரவேல், செந்தில், மாறன் மற்றும் டீப்ஸ் சைரஸ் என ஒரு மாபெரும் நட்சத்திரப் பட்டாளமே இணைந்து நடித்துள்ளனர். இவர்களின் எதார்த்தமான காமெடி டைமிங் படத்திற்கு மிகப்பெரிய பலம் சேர்த்துள்ளது. படத்திற்கு இசை அரசன் யுவன் சங்கர் ராஜா இசையமைத்துள்ளார். அவரோட மெலடியும், பிஜிஎம்மும் படத்தில் வர்ற காதல் மற்றும் குடும்ப உறவுகளின் அழகை இன்னும் ஒரு படி மேலே கொண்டு போய் சேர்த்துள்ளது.

தயாரிப்பாளர் ஸ்ரீநிதி சாகர் பேசுகையில்,

தங்களின் முந்தைய ஹிட்டான ‘மேட் இன் கொரியா’ படத்திற்கு உலகளவில் கிடைத்த எக்கச்சக்க வரவேற்பு, ஒரிஜினல் தமிழ் கதைகளுக்கு எப்போதுமே உலகம் முழுக்க மவுசு இருக்கு என்பதை புரிய வைத்ததாகக் கூறினார். அதுபோன்ற ஒரு செம்ம ஜாலியான, எல்லாரும் ரசிக்கக்கூடிய கதையைத் தேடியபோது தான் இந்த ‘பியார் பிரேமா கல்யாணம்’ சிக்கியதாகவும், ரைஸ் ஈஸ்ட் என்டர்டெயின்மெண்ட் சார்பில் இந்த முழுநீள காமெடி படத்தை நெட்ஃப்ளிக்ஸ் ஓடிடி வழியாக வரும் ஆகஸ்ட் 21 முதல் உலகெங்கும் உள்ள ரசிகர்களுக்குக் கொண்டு சேர்ப்பதில் செம்ம ஹாப்பி என தெரிவித்துள்ளார். கல்யாணத்துக்கு அப்புறம் தான் அசல் ஆச்சரியங்களே ஆரம்பமாகுது என்பதை செம்ம ஜாலியாக சொல்ல வரும் ‘பியார் பிரேமா கல்யாணம்’ வரும் ஆகஸ்ட் 21 முதல் நெட்ஃப்ளிக்ஸில் உலகளவில் ஸ்ட்ரீமிங் ஆகிறது.