சத்யதேவ், தாலி தனஞ்செயா நடிக்கும் பான் இந்திய திரைப்படம் ‘ஜீப்ரா’!

இளம் முன்னணி நடிகர் சத்யதேவ் மற்றும் கன்னட நட்சத்திரம் தாலி தனஞ்சயா இணைந்து இயக்குநர் ஈஸ்வர் கார்த்திக் இயக்கத்தில்  பான் இந்திய க்ரைம் ஆக்‌ஷன் எண்டர்டெயினர் திரைப்படத்தில் நடிக்கிறார்கள். இந்த இரு நடிகர்களின் 26 வது திரைப்படம் இது என்பது குறிப்பிடத்தக்கது.  (ஜனவரி 26) குடியரசு தினமான இன்று தயாரிப்பாளர்கள் படத்தின் தலைப்பை அறிவித்தனர்.

Padmaja Films Private Ltd and Old Town Pictures, சார்பில் எஸ்.என்.ரெட்டி, பால சுந்தரம், தினேஷ் சுந்தரம் ஆகியோர் இணைந்து தயாரிக்கும் ‘ஜீப்ரா’ படத்தில் ப்ரியா பவானி சங்கர் மற்றும் ஜெனிபர் பிசினாடோ கதாநாயகிகளாக நடிக்க, மூத்த நடிகர் சத்யராஜ் முக்கிய வேடத்தில் நடிக்கிறார். சத்யா அகல, சுனில் ஆகியோர் மற்ற முக்கிய கதாபாத்திரங்களில் நடிக்கின்றனர்.

50 நாட்கள் முதல் ஷெட்யூலை முடித்திருக்கும் படக்குழு, மீதமுள்ள படப்பிடிப்பை ஹைதராபாத், கொல்கத்தா மற்றும் மும்பை பகுதிகளில் நடத்தத் திட்டமிடப்பட்டுள்ளது. KGF, KGF2 போன்ற புகழ்பெற்ற படங்களின் இசையமைப்பாளர்  திரு.ரவி பஸ்ரூர் இப்படத்திற்கு இசையமைக்கிறார். அவரது முந்தைய படங்களைப் போல இப்படத்திற்கும் அவரது இசை மிகப்பெரும் பலமாக இருக்கும்.

இப்படத்தில் சுமன் பிரசார் பாகே இணை தயாரிப்பாளராகவும், சத்யா பொன்மர் ஒளிப்பதிவாளராகவும் பணியாற்றுகிறார்கள். மீராக் வசனம் எழுத, படத்தொகுப்பை அனில் கிரிஷ் கவனிக்கிறார்.

ஜீப்ரா திரைப்படம் தெலுங்கு, கன்னடம், தமிழ், மலையாளம் மற்றும் இந்தி ஆகிய மொழிகளில் திரையரங்குகளில் வெளியாகவுள்ளது..