ஹிப்ஹாப் தமிழா ஆதி நடித்த ‘வீரன்’,கோடையில் வெளியாகிறது!

ஹிப்ஹாப் தமிழா ஆதி நடித்துள்ள ‘வீரன்’ படத்தின் ஃபர்ஸ்ட் லுக் பாசிட்டிவ் ரெஸ்பான்ஸ் உடன் வைரல் ஆகி வருகிறது.

சத்ய ஜோதி ஃபிலிம்ஸ், ஹிப்ஹாப் தமிழா ஆதியுடன் இணைந்து ஓடிடி பிளாக்பஸ்டரான ‘அன்பறிவு’ படத்திற்குப் பிறகு, மீண்டும் அவருடன் ‘வீரன்’ என்ற புதிய திரைப்படத்தில் இணைந்துள்ளது.

ஹிப்ஹாப் தமிழா ஆதியின் பிறந்த தினத்தில் வெளியிடப்பட்ட படத்தின் ஃபர்ஸ்ட் லுக் போஸ்டர் பெரும் வரவேற்பைப் பெற்றுள்ளது.

‘வீரன்’ படத்தை, தமிழ் மற்றும் தெலுங்கில் ஹிட்டான ‘மரகத நாணயம்’ படத்தை இயக்கியிருந்த ஏ.ஆர்.கே.சரவன் எழுதி, இயக்கியிருக்கிறார்.

ஹிப்ஹாப் தமிழா ஆதி, இதுவரை செய்தவற்றிலிருந்து முற்றிலும் மாறுபட்ட தோற்றத்தையும் நடிப்பையும் தர இருக்கிறார். நகைச்சுவை, ஆக்‌ஷன், செண்டிமெண்ட் ஆகியவற்றின் நேர்த்தியான கலவையுடன், குழந்தைகள், இளைஞர்கள் மற்றும் குடும்ப பார்வையாளர்களின் ரசனைகளை கவரும் வகையிலான ஒரு முழுமையான குடும்ப பொழுதுபோக்கு படமாக ‘வீரன்’  இருக்கும்.

ஹிப்ஹாப் தமிழா ஆதி மற்றும் இயக்குநர் ஏ.ஆர்.கே.சரவன் ஆகியோர் கடந்த காலங்களில் வணிக ரீதியாக வெற்றி பெற்ற படங்களைக் கொடுத்துள்ளதால் ரசிகர்கள் மற்றும் வர்த்தக வட்டாரங்கள் மத்தியில் இவர்கள் இணைந்துள்ள இந்தப் புதிய படத்திற்கான எதிர்பார்ப்புகள் பெரிதாக உள்ளது.

‘வீரன்’ படப்பிடிப்பை முடித்துவிட்ட நிலையில், போஸ்ட் புரொடக்ஷன் பணிகள் முடியும் தருவாயில் உள்ளது. சத்யஜோதி பிலிம்ஸ் ‘வீரன்’ படத்தை 2023 கோடையில் வெளியிட திட்டமிட்டுள்ளது.

.