‘ஜவான்’ குவித்த 520 கோடி! அட்லீ – ஷாருக்கான் சாதனை!

ரெட் சில்லிஸ் என்டர்டெய்ன்மென்ட்   தயாரிப்பில், அட்லீ இயக்கி, ஷாருக்கான், விஜய் சேதுபதி, சஞ்சய் தத், நயன்தாரா, ப்ரியாமணி ஆகியோரது நடிப்பினில் செப்டம்பர் 7 ஆம் தேதி வெளியான ஜவான், தொடர்ந்து வசூலில் சாதனை படைத்து வருகிறது. வெளியான முதல் நாளில், இந்திப் பதிப்பு 68.72 கோடி ரூபாயையும், உலகளவில் 144.22 கோடி ரூபாயையும் வசூலித்துள்ளது. இதற்கு முன்னர் எந்த ஒரு இந்திய திரைப்படமும், இத்தகைய வசூல் சாதனையை நிகழ்த்தியது இல்லை.

‘ஜவான்’ திரைப்படம் வெளியான 4 தினத்திற்குள் 520 கோடி ரூபாய்க்கும் மேல் வசூலித்து, திரையுலகில் புதிய சாதனையைப் படைத்து வருகிறது. தொடர்ந்து, உலகம் முழுவதும் ரசிகர்களிடம் பெரும் வரவேற்பை பெற்று வரும் ஜவான் திரைப்படம், வசூலில் இன்னும் மிகப்பெரிய சாதனைகள் படைக்கும் என எதிர்பார்க்கப்படுகிறது.